Kamaroŭski rynak u Minsku ŭ siaredzinie listapada paradavaŭ pakupnikoŭ hrybami. Z-za ciopłaha vieraśnia hrybny siezon byŭ zmazany, a ciapier, kali dzionnaja tempieratura pavietra apuściłasia nižej za 10 hradusaŭ, u prodažy źjavilisia apieńki, padzialonki i inšyja lasnyja hryby, piša Smartpress.by.
Košt trochlitrovaha viadzierca maładych apieniek — 15 rubloŭ, piacilitrovaha — 25 rubloŭ, dziesiacilitrovaha — 40-45 rubloŭ. Pradaŭcy raspaviadajuć, što sami pryjemna ździŭleny chaj poźnim, ale ŭsio ž siezonam hryboŭ.
— Tolki pačalisia — i voś-voś skončacca, zima ž na nosie. Užo padmiarzaje ŭ lesie, — raspaviadajuć jany. — Tak što kali chto płanuje pryhatavać hryby, zamarozić ci prosta pałasavacca — ciapier samy čas.
Hryby pradajucca ŭ viodrach na rynku i za jaho miežami (z ruk, pamiž uvachodam u mietro i Kamaroŭkaj). Znoŭ možna kupić jak abjomam (viadrom), tak i pa vazie. 1 kh kaštuje 15-20 rubloŭ.
Akramia vosieńskich apieniek, u prodažy možna znajści lisički, machaviki, maślaki. Usie jany prykładna pa adnoj canie — kala 15 rubloŭ za 1 kh.
Z usiesiezonnych hryboŭ, jakim mała strašnyja kapryzy nadvorja, na Kamaroŭskim rynku ŭ hetyja dni možna znajści šeryja viešanki i pryhožyja biełyja šampińjony. Kaštujuć jany tańniej — ad 6 da 10 rubloŭ za 1 kh.
A amataram ekzotyki možna źviarnuć uvahu na hryby erynhi i enoki — pa 35 rubloŭ za 1 kh. Jany ličacca dyjetyčnymi i časta ŭžyvajucca ŭ stravach azijackaj kuchni.
-
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ
-
Chočacie schudnieć? Mahčyma, vam treba jeści bolš, a nie mienš
-
Ahurki pa 20 rubloŭ, baraviki — pa 100. Ci varta jechać na Kamaroŭku ŭ kastryčniku?
Ciapier čytajuć
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni3
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ44
Kamientary