Kitajskaje sudna adklučyła pieradatčyk danych za niekalki hadzin da abryvu kabiela ŭ Bałtyjskim mory
Pieradatčyki jak minimum čatyroch karabloŭ, vidavočna, byli adklučanyja.
Yi Peng 3 — 225-mietrovy hruzavy karabiel, jaki zajšoŭ u Finski zaliŭ z Port-Saida ŭ Jehipcie. Miarkujučy pa ŭsim, u pačatku listapada jon byŭ u Rasii ŭ porcie Uść-Łuha, paviedamlaje Yle.fi.
Padvodny kabiel pamiž Finlandyjaj i Hiermanijaj abarvaŭsia ŭ paniadziełak. Yle vyvučyła ruch sudoŭ za niekalki hadzin da abryvu C-Lion1.
Pieradatčyki jak minimum čatyroch karabloŭ, vidavočna, byli adklučanyja. Adnym ź ich byŭ kitajski Yi Peng 3. Jaho sihnał źnik u rajonie abryvu kabiela.
Sihnał adsutničaŭ ź viečara niadzieli, 17 listapada. Uvieś hety čas karabiel znachodziŭsia pablizu miesca abryvu kabiela.
Pa danych telekamunikacyjnaj kampanii Cinia, mahčymaja dyviersija adbyłasia ŭ paniadziełak paśla čatyroch hadzin ranicy. Pa słovach vykanaŭčaha dyrektara Cinia Ary-Jusi Knaapiła, niaspraŭnaść kabiela była vyjaŭlenaja a 04.04 ranicy. Praz 11 siekund kabiel byŭ całkam abarvany.
Yi Peng 3-225-mietrovy hruzavy karabiel, jaki ŭvajšoŭ u Finski zaliŭ z Port-Saida ŭ Jehipcie. Miarkujučy pa ŭsim, u pačatku listapada jon byŭ u Rasii ŭ porcie Uść-Łuha.
Načalnik kamandnaha centra bierahavoj achovy Finskaha zaliva Joona Kastren zajaviŭ Yle, što ŭ miescy abryvu kabiela zaŭsiody davoli ažyŭleny ruch.
— Pieradatčyki pavinny być uklučany, ale moža być mnostva pryčyn, čamu sihnał byŭ nie dastupny ŭ kamiercyjnych słužbach [adsočvańnia maršrutu sudna, nakštałt Marine Traffic]. U nas jość inšyja instrumienty dla manitorynhu, — ukazaŭ Kastren.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary