Kiraŭnik MZS Izraila adpraviŭsia z terminovym vizitam u Niderłandy, dzie adbyłasia sieryja napadaŭ na zaŭziataraŭ izrailskaha futbolnaha kłuba «Makabi» paśla matča Lihi Jeŭropy suprać «Ajaksa».
Pavodle apošnich źviestak, u vyniku biesparadkaŭ piać paciarpiełych byli špitalizavanyja, 62 čałavieki zatrymanyja.
Armija abarony Izraila časova zabaraniła vajskoŭcam naviedvać Niderłandy paśla napadu na izrailcian.
U Amsterdamie paśla futbolnaha matča «Ajaks» — «Makabi Tel-Aviŭ» na zaŭziataraŭ ź Izraila napali ludzi ŭ maskach. Niekatoryja ź ich byli z paleścinskimi ściahami i vykrykvali prapaleścinskija łozunhi. Napadniki taksama sprabavali ŭvarvacca ŭ hateli, dzie spynilisia izrailcianie.
Premjer-ministr Izraila Bińjamin Nietańjachu rasparadziŭsia nieadkładna adpravić u Niderłandy dva samaloty dla viartańnia ŭ krainu izrailskich hramadzian.
Kiraŭnik urada Izraila taksama zapatrabavaŭ ad hałandskich uładaŭ chutkich i rašučych dziejańniaŭ u dačynieńni da ŭdzielnikaŭ biesparadkaŭ dla zabieśpiačeńnia biaśpieki hramadzian Izraila. Izrailcian, jakija znachodziacca ŭ Amsterdamie, MZS Izraila zaklikaŭ nie pakidać haścinicy.
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary