«Nie viedaju, z čym źviazana». Hanna Bond aburajecca, što nie moža raspłacicca biełaruskaj kartkaj u Vilni
Błohierka vyjechała za miažu i nie zmahła tam pašopicca: Bond nie ŭziała z saboj najaŭnych hrošaj, a jaje kartka Alfa-Banka «nidzie nie prachodzić».
«U mianie nie pracujuć ni dalaravaja, ni jeŭravaja kartki. Alfa-Bank u Vilni nie pracuje. Nie viedaju, z čym heta źviazana. Jašče na Kamiennym Łohu raspłačvałasia, a tut usio. Jeb***na. Ja vielmi złaja», — paskardziłasia błohierka ŭ storyz, supravadziŭšy jaje podpisami ź niecenzurnaj łajankaj.
Nahadajem, na pracu mnohich biełaruskich bankaŭ paŭpłyvali sankcyi, nakładzienyja na našu krainu paśla pačatku poŭnamaštabnaj vajny va Ukrainie ŭ 2022 hodzie. Kaniečnie, situacyja tut skłałasia lepšaja, čym dla rasijskich bankaŭ, ale daloka nie biaschmarnaja.
U pačatku kastryčnika stała viadoma, što suprać biełaruskaha Alfa-Banka ŭviała novyja sankcyi Vialikabrytanija. Nahodaj dla pakarańnia stała toje, što bank udzielničaje ŭ «atrymańni vyhody abo padtrymańni ŭradu Biełarusi šlacham viadzieńnia biznesu ŭ siektary, jaki maje dla jaho stratehičnaje značeńnie, a mienavita — u biełaruskim siektary finansavych pasłuh». Tady ŭ banku supakoili biełarusaŭ, što heta nie pavinna paŭpłyvać na ich pracu, prynamsi, unutry krainy.
Ale raniejšyja sankcyi tak ci inakš zakranuli intaresy klijentaŭ: tak, naprykład, bank uvioŭ kamisiju za viadzieńnie rachunkaŭ u dalarach i jeŭra. Varta zhadać taksama, što pres-słužba banka raniej zajaŭlała, što płaciažy pa jahonych kartach Visa i Mastercard dastupnyja pa ŭsim śviecie, ale ciapier, jak my bačym, heta nie tak.
Błohierka Hanna Bond vyjšła na volu: jana praviała 15 sutak na Akreścina
«Lažaŭ raździety ŭ mašynie i pilnavaŭ mianie». Hannu Bond pieraśleduje mańjak
Mikita Miełkazioraŭ ščyra raskazaŭ pra svaje adnosiny ź niu-madellu Linaj Capavaj
Zialony hnom, jaki ŭryvaŭsia ŭ kramy i nadakučaŭ palakam, akazaŭsia zusim nie ź Biełarusi. Voś chto jon
Ciapier čytajuć
Vajar ź Biełaruskaha dobraachvotnickaha korpusa: Ja žyŭ u ružovaj burbałcy2
Kamientary
Nie žal ni razu!
Čto klijentov alfy, čto mt banka!
Vatnyje banki, chitrosdiełannyje klijenty!....