U Minsku adkryłasia vystaŭka čatyroch najlepšych mastakoŭ apošnich hadoŭ
Kožny ź ich zavajavaŭ pieramohu na nacyjanalnym konkursie ŭ halinie sučasnaha vyjaŭlenčaha mastactva.
31 kastryčnika ŭ Nacyjanalnym centry sučasnych mastactvaŭ (NCSM) pa vulicy Niakrasava, 3 adbyłosia ŭračystaje adkryćcio vystavy łaŭreataŭ Nacyjanalnaj premii ŭ halinie vyjaŭlenčaha mastactva — 2023.
Na vystavie pradstaŭleny pracy čatyroch mastakoŭ, kožny ź jakich pracuje ŭ svajoj technicy i napramku: Vasila Vasiljeva, jaki atrymaŭ pieramohu ŭ naminacyi «Žyvapis»; Alaksandra Šapo, pryznanaha najlepšym u katehoryi «Manumientalnaje i manumientalna-dekaratyŭnaje mastactva»; Usievałada Švajby, pieramožca ŭ naminacyi «Hrafika»; i Marty Ščerbič, jakaja stała najlepšaj u katehoryi «Tvorčy debiut».
«Nacyjanalnaja premija ŭ halinie vyjaŭlenčaha mastactva» prachodzić raz na try hady i była zasnavana Ministerstvam kultury ŭ 2017 hodzie z metaj adradžeńnia i papularyzacyi najlepšych tradycyj nacyjanalnaha vyjaŭlenčaha mastactva, a taksama dla pryciahnieńnie ŭvahi šyrokaj hramadskaści da dasiahnieńniaŭ u hetaj śfiery.
Vystava budzie pracavać da 15 śniežnia, z 12:00 da 20:00, ad sierady da niadzieli.
-
U Minsku ŭ piatnicu adkryjecca vystava pad adkrytym niebam «Le Karbiuźje: minskaje recha»
-
Uładzimir Niaklajeŭ: Praminuły hod nie samy ŭdały ŭ žyćci — amal pałovu jaho prakačaŭsia ŭ špitalach
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
Polšča pryznała Alaksandra Mašenskaha niepažadanaj asobaj27
Kamientary