Pryznali palitviaźniami jašče 9 čałaviek, u tym liku japonca i ŭkraincaŭ
31 kastryčnika pravaabaroncy pryznali palitviaźniami jašče 9 čałaviek. Ahulnaja kolkaść ludziej, jakija na siońnia źjaŭlajucca ŭ Biełarusi palitviaźniami, składaje 1301 čałaviek.
U śpis palitźniavolenych byli dadadzienyja nastupnyja proźviščy:
Vadzim Naŭcenia, Andrej Subcelny, Siarhiej Kabarčuk, Pavieł Kabarčuk, Ludmiła Dajnieka, Volha Radzivonava, Daniił Palanski, Alaksandr Sudnikovič, Nakanisi Masatosi.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
U liku novapryznanych palitviaźniaŭ — zatrymany ŭ vieraśni pa padazreńni ŭ špijanažy vykładčyk Homielskaha dziaržuniviersiteta, hramadzianin Japonii Masatosi Nakanisi, a taksama kantrabandysty z Ukrainy Siarhiej i Pavieł Kabarčuki, jakim niadaŭna prysudzili pa 20 hadoŭ źniavoleńnia.
Usiaho na hety momant palitviaźniami, pavodle acenak pravaabaroncaŭ, pryznanyja 1301 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary