Respublikaniec Arnold Švarcenehier, jaki staŭ hubiernataram Kalifornii jak pradstaŭnik Respublikanskaj partyi, raskrytykavaŭ u sacsietcy X abiedźvie viadučyja palityčnyja partyi ZŠA.
«Budu ščyrym: ciapier mnie nie padabajecca ni adna z partyj. Maja partyja, respublikancy, zabyłasia pra pieravahi svabodnaha rynku, pavialičyła deficyt i admaŭlaje vyniki vybaraŭ. Demakraty nie lepš spraŭlajucca z deficytam, i ja zaniepakojeny tym, što ich miascovaja palityka škodzić našym haradam, pavialičvajučy ŭzrovień złačynnaści», — cytuje jaho Bild.
Tym nie mienš, napiaredadni prezidenckich vybaraŭ Švarcenehier schilajecca ŭ bok padtrymki demakrataŭ, bo nie moža skazać ničoha dobraha pra Donalda Trampa:
«Kandydat, jaki nie pavažaje vaš hołas, kali jon nie ŭ jaho padtrymku; kandydat, jaki pasyłaje svaich prychilnikaŭ šturmavać Kapitolij, a sam naziraje za hetym z dyjetyčnaj kołaj u rukach; kandydat, jaki nie pakazaŭ zdolnaści pravodzić jakuju-niebudź palityku, akramia źnižeńnia padatkaŭ, jakoje vyhadnaje jaho sponsaram i inšym bahatym ludziam nakštałt mianie, ale nikomu bolš; kandydat, jaki ličyć amierykancaŭ, jakija ź im nie zhodnyja, bolšymi vorahami, čym Kitaj, Rasija ci Paŭnočnaja Kareja, — jon nie vyrašyć našyja prablemy».
Švarcenehier ličyć, što ZŠA zmohuć «ruchacca napierad jak kraina» tolki z Kamałaj Charys i Cimam Uołzam, navat kali jon «nie zhodny ź ich prahramaj».
Na jaho dumku, dabrabyt ZŠA maje pieravahu nad partyjnaj prynaležnaściu.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary
Zato u Amieriki jesť staryj dobryj ARNI, u kotoroho k horie myšc jeŝie jesť i intiellekt, čiesť i soviesť...