«Kali treba pajechać u Krym — pajedu, ale navošta?» Łukašenka ŭchiliŭsia ad pytańnia ab pryznańni akupavanych terytoryj Ukrainy
Alaksandr Łukašenka zajaviŭ, što pakul nie bačyć nieabchodnaści jechać u Krym. Pry hetym, kažučy pra supracoŭnictva z zachoplenymi Rasijaj terytoryjami, jon nazvaŭ ich uschodam Ukrainy.
Alaksandr Łukašenka zajaviŭ, što moža pajechać u Krym, ale pakul takoj nieabchodnaści niama.
Supracoŭnik «Iźviestij» zapytaŭ u Łukašenki, ci staić na paradku dnia pytańnie pryznańnie Minskam akupavanych terytoryj Ukrainy rasijskimi, i ci hatovy toj pajechać u Krym. Łukašenka adrazu staŭ adkazvać na druhoje pytańnie, a ad pieršaha pastaraŭsia ŭchilicca.
«Ci pajedu ja ŭ Krym? Dumaju, heta pytańnie ad žurnalistaŭ bolš. Kali treba pajechać — pajedu. Ja čałaviek rašučy. Ale jakaja nieabchodnaść mnie siońnia ci ŭčora była jechać u Krym?» — skazaŭ, zmorščyŭšysia, Łukašenka.
Jon paŭtaryŭ svaju pazicyju, jakuju ahučvaŭ raniej.
«De-fakta Krym — rasijski. De-jure — nie. Tamu što jurydyčnyja hetyja pytańni adnabakova ŭrehulavanyja. I mižnarodnaja tak zvanaja supolnaść, što nie chvaluje Rasiju, i ja b tak zrabiŭ, nie pryznaje Krym rasijskim», — rastłumačyŭ Łukašenka.
Jon nahadaŭ, što supracoŭničaje z anieksavanym Krymam, a taksama z akupavanymi Rasijaj terytoryjami, jakija jon nazvaŭ uschodam Ukrainy.
«My adrazu supracoŭničać pačali z Krymam, supracoŭničajem i ciapier. I z uschodam Ukrainy supracoŭničajem z usimi abłaściami. Darečy, nas kiraŭnictva Ukrainy i vajskoŭcy paprakajuć u hetym. Kažuć, što arhanizacyi, jakija supracoŭničajuć z, jak jany kažuć, zachoplenymi abłaściami, trapiać pad sankcyi. My im kažam: «Jany i tak pad sankcyjami». Užo dalej niama kudy traplać.
Nu a toje, što treba Danbasu i Krymu, kali heta jość, my heta pradajem. Jany ž za heta płaciać. Čamu nam nie supracoŭničać», — dadaŭ Łukašenka.
Jon čarhovy raz abvinavaciŭ Ukrainu ŭ tym, što jana pieršaj uviała suprać Biełarusi sankcyi i zajaviŭ, što ŭkrainskaje kiraŭnictva nie moža jamu dyktavać, z kim supracoŭničać.
Na zakančeńnie Łukašenka adznačyŭ, što «heta pytańnie pakul adkładzienaje». Što jon mieŭ na ŭvazie — pytańnie pajezdki ŭ Krym abo pytańnie pryznańnia terytoryj, supracoŭnik «Iźviestij» nie ŭdakładniaŭ.
Łukašenka niezadavoleny, što jaho adpravili ŭ «pryłaźnik»
«Panios takuju łuchtu, što navat ja ździviŭsia». Kizim prakamientavaŭ zajavy Łukašenki
Akazvajecca, Biełaruś nie davała terytoryi dla napadu na Ukrainu. Łukašenka śćviardžaje, što heta było niešta inšaje
Łukašenka raskazaŭ, što pradstaŭniki Zachadu pryjazdžali da jaho pahavaryć pra Jemien i Kitaj
Łukašenka zajaviŭ, što siam‘ia moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra18
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»99
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»9
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary