Dziermant rusifikavaŭ nazvu časopisa, u jakim pracuje hałoŭnym redaktaram
Časopis dla rabotnikaŭ sistemy adukacyi «Historyja i hramadaznaŭstva» z prychodam novaha kiraŭnika źmianiŭ i kancepcyju, i nazvu.
Prapahandyst Alaksiej Dziermant u mai 2024 hoda staŭ hałoŭnym redaktaram navukova-mietadyčnaha časopisa «Historyja i hramadaznaŭstva». Vydańnie było pryznačana dla nastaŭnikaŭ historyi, hramadaznaŭstva, navukova-piedahahičnych rabotnikaŭ, aśpirantaŭ, mahistrantaŭ, studentaŭ, u im publikavalisia jak artykuły pa mietodycy vykładańnia historyi i hramadaznaŭstva, tak i ahulnahistaryčnyja pracy.
Pry Dziermantie adzin z numaroŭ vyjšaŭ jašče z raniejšaj nazvaj. Ciapier hałoŭred pradstaviŭ novuju kancepcyju vydańnia, jakoje nazyvajecca ŭžo pa-rusku — «Istorija i sovriemiennosť».
Z navukova-mietadyčnaha časopis pieratvaryŭsia ŭ navukova-papularny. Asnoŭnaj zadačaj vydańnia nazyvajecca «papularyzacyja dziaržaŭnych ideałahičnych i histaryčnych kanceptaŭ Respubliki Biełaruś». Pašyryłasia i metavaja aŭdytoryja, u jakuju ŭklučyli rabotnikaŭ orhanaŭ ułady i ideałahičnaj viertykali, rabotnikaŭ ŚMI, pradstaŭnikoŭ hramadskich arhanizacyj i partyj.
Pieršy numar abnoŭlenaha časopisa pryśviečany «Dniu narodnaha adzinstva». Na jaho staronkach Dziermant razvažaje pra biełaruskuju ideju, deputat i eks-kiraŭnik Instytuta historyi NAN Viačasłaŭ Daniłovič «razhladaje ŭźjadnańnie Zachodniaj Biełarusi z BSSR jak akt histaryčnaj spraviadlivaści», a Juryj Hłušakoŭ raskazvaje, «jak čyrvonaja kavaleryja ŭ 1939 hodzie vyzvalała Zachodniuju Biełaruś». Anansujuć i intervju z «žyvoj lehiendaj KDB».
Kali časopis «Historyja i hramadaznaŭstva» vychodziŭ adzin raz na dva miesiacy, to abnoŭlenaje vydańnie budzie vychodzić raz na kvartał. U redkalehii, akramia Dziermanta, źjavilisia jaho kalehi — prapahandysty Piotr Piatroŭski i Alaksiej Aŭdonin. Vychodzić časopis budzie ŭ tym ža vydaviectvy — «Adukacyja i vychavańnie».
Časopis «Istorija i sovriemiennosť» zastaŭsia ŭ śpisie VAK dla apublikavańnia vynikaŭ dysiertacyj pa histaryčnych i fiłasofskich navukach. Artykuły na biełaruskaj movie, miarkujučy pa praviłach publikacyi, jon praciahvaje prymać.
Pad nazvaj «Historyja i hramadaznaŭstva» časopis vydavaŭsia z 2011 hoda, kali abjadnalisia redakcyi časopisaŭ «Historyja: prablemy vykładańnia» i «Čałaviek. Hramadstva. Śviet».
«Moskovskij komsomolec» vydaliŭ svoj artykuł pra Łukašenku paśla skarhi Dziermanta
Vyhladaje, što Bondaravu zvolnili z «Kamunista Biełarusi». Ciapier jana abvinavačvaje byłych kaleh u derusifikacyi
Bondarava nazvała Dziermanta «patłatym chłopčykam», jaki «prajaviŭ svoj łatentny homaseksualizm»
Dziermant staŭ hałoŭnym redaktaram navukovaha histaryčnaha časopisa
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary