Ministry abarony krain «Vialikaj siamiorki» (G7) u Nieapali padtrymali Ukrainu na jaje «niezvarotnym šlachu da poŭnaj jeŭraatłantyčnaj intehracyi, uklučajučy siabroŭstva ŭ NATA». Heta vynikaje z sumiesnaj dekłaracyi, apublikavanaj u subotu, 19 kastryčnika.
Akramia taho, u zajavie dekłarujecca, što dziaržavy «Vialikaj siamiorki» praciahnuć akazvać vajskovuju dapamohu Ukrainie:
«My padkreślivajem naš namier praciahvać akazvać dapamohu Ukrainie, uklučajučy vajskovuju dapamohu ŭ karotkaterminovaj i doŭhaterminovaj pierśpiektyvach», — havorycca ŭ joj.
Uletku ŭ Italii krainy «Vialikaj siamiorki» pryniali pakiet, jaki praduhledžvaje vydaču Ukrainie kredytaŭ na sumu da 50 młrd dalaraŭ (46 młrd jeŭraŭ), što finansujucca za košt zamarožanych rasijskich aktyvaŭ.
Rašeńnie Rady ES jašče nieabchodna zaćvierdzić u ramkach farmalnaj pracedury, jakaja patrabuje siarod inšaha zhodu Jeŭraparłamienta. Metaj źjaŭlajecca pieradača kredytu Ukrainie ŭžo ŭ nastupnym hodzie z nastupnym pahašeńniem na praciahu maksimalnaha pieryjadu ŭ 45 hadoŭ.
U G7 uvachodziać ZŠA, Kanada, Vialikabrytanija, Francyja, Hiermanija, Italija i Japonija. Staršyniuje ciapier u hetym abjadnańni Italija, mienavita tamu pasiadžeńnie prachodziła na jaje terytoryi. Da pieramovaŭ taksama dałučylisia pradstaŭniki Jeŭrapiejskaha Sajuza, NATA i ministr abarony Ukrainy Rustem Umieraŭ.
Umieraŭ pa vynikach pasiadžeńnia paviedamŭ, što Ukraina padčas jaho taksama damoviłasia ab nieadkładnym uzmacnieńni svajoj supraćpavietranaj abarony, adpaviednaje pahadnieńnie padpisanaje.
Krainy-padpisanty buduć finansavać sumiesnyja prajekty abo padtrymlivać ułasnyja inicyjatyvy, nakiravanyja na ŭzmacnieńnie mahčymaściaŭ supraćpavietranaj abarony USU.
Asnovym partnioram u hetaj spravie budzie Hiermanija, taksama da prajekta dałučacca Bielhija, Narviehija, Niderłandy i Danija.
Ci zmoža ŭtrymacca Litva? U ZŠA sprahnazavali chod vajennych dziejańniaŭ u pieršyja 10 dzion paśla ŭvarvańnia Rasii ŭ Jeŭropu
Zialenski raskryŭ płan B na vypadak admovy pryniaćcia ŭ NATA
Zialenski admaŭlaje, što Ukraina choča stvarać jadziernuju zbroju
Zialenski: Ukraina albo ŭstupić u NATA, albo budzie mieć jadziernuju zbroju
Zialenski aznajomiŭ jeŭrapiejskich lidaraŭ z «Płanam pieramohi»
Prezident Litvy nazvaŭ hałoŭnuju prablemu płana Zialenskaha
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary