Muzyka Alaksandr Pamidoraŭ apošnija hady davaŭ kancerty i rabiŭ hruzčykam. Ale praz prablemy sa zdaroŭjem pakul nie moža zarablać.
Muzyka źjechaŭ ź Biełarusi ŭ śniežni 2021 hoda.
Ciapier Pamidoraŭ surjozna zachvareŭ — dvuchbakovy siaredni atyt, praz što jon nie čuje narmalna.
«A toje, što čuju, nie maje ničoha ahulnaha z tym, jak jano musić hučać. Aproč taho, źjavilisia prablemy z sustavami noh, i zaraz ja nie mahu vykonvać fizičnuju pracu, jakoj zarablaŭ na žyćcio apošnija čatyry hady — jak u Biełarusi, tak i za miažoj.
A praz prablemy z vušami, ja nie zmahu vystupać z kancertami bližejšym časam. Mnie treba apłacić arendu žylla, nabyć leki i chacia b bazavy nabor praduktaŭ, kab padtrymlivać siły.
Leki, jakija ja prymaju, nie samyja darahija, ale ich davodzicca nabyvać rehularna — a heta kala €35 u tydzień. Antybijotyki pakul nie kuplaŭ, ale jany buduć daražejšyja. Naviedvańni lekaraŭ kaštujuć bolš za €50 za vizit, i mnie treba prajści abśledavańnie ŭ niekalkich śpiecyjalistaŭ: łor, stamatołah i traŭmatołah-artapied. Heta ŭžo vylivajecca ŭ prystojnuju sumu — kala €1000 na miedycynu, kali ŭličyć usie nieabchodnyja vizity».
Alaksandr dzielicca, što na arendu žylla addaje ŭ miesiac €450, i ŭ jaho ŭžo jość zapazyčanaść za minuły miesiac. Chapaje i inšych vydatkaŭ.
Tamu jon vyrašyŭ źviarnucca pa dapamohu — sabrać kala €3000, kab pakryć samaje nieabchodnaje (žyllo, lačeńnie, ježu i prajezd).
«Mnie sapraŭdy vielmi niajomka prasić, ale inšaha vyjścia niama», — dzielicca muzyka.
Zbor dla Alaksandra Pamidorava adkryty na «Bajsoł».
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj66
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary