Biełaruskija ankołahi rychtujucca da rezkaha rostu raku toŭstaj kiški
Pryčyna ŭ niapravilnym charčavańni biełarusaŭ.
Pra heta «Miedycynskamu vieśniku» raspavioŭ hałoŭny ŭrač Minskaha haradskoha kliničnaha ankałahičnaha centra (MHKAC), hałoŭny pazaštatny śpiecyjalist pa ankałohii kamiteta pa achovie zdaroŭja Minharvykankama Viktar Kandratovič.
Pa słovach Kandratoviča, u MHKAC užo rychtujuć śpiecyjalistaŭ, jakija buduć pracavać vyklučna z rakam toŭstaj kiški. U płanach taksama pašyreńnie adździaleńnia centra, jakoje zajmajecca kałarektalnym rakam.
«Pryčyna kałarektalnaha raku — charaktar charčavańnia sučasnaha čałavieka», — adznačaje śpiecyjalist.
Jon tłumačyć, što pierachod na fastfud i skaračeńnie ŭžyvańnia klatčatki źjaŭlajucca adnymi z hałoŭnych pryčyn raźvićcia hetaha zachvorvańnia.
Taksama važnuju rolu adyhryvaje niesvoječasovaja sanacyja palipaŭ, bo palip toŭstaj kiški — heta pradvieśnik kałarektalnaha raku. Z momantu źjaŭleńnia palipa da raźvićcia puchliny moža prajści ad piaci da siami hadoŭ.
«Kali b pacyjenty hrupy ryzyki, starejšyja za 50 hadoŭ, chacia b raz na piać hadoŭ rabili kałanaskapiju i sanacyju palipaŭ, zachvorvańnie źmienšyłasia b značna. Havaryć z pacyjentam ab nieabchodnaści takoha kantrolu, pierakonvać jaho pavinna pieršasnaje źviano — daktary paliklinik. My hatovy dapamahać arhanizacyjna-mietadyčnaj dapamohaj, ale ankałahičnaja słužba pryznačana dla lačeńnia pacyjentaŭ z užo dakazanym rakam», — śćviardžaje Kandratovič.
Varta adznačyć, što rak toŭstaj kiški ŭvachodzić u trojku najbolš častych ankałahičnych zachvorvańniaŭ u Biełarusi. Siarod mužčyn najčaściej sustrakajucca rak lohkich, prastaty i kałarektalny rak. U žančyn — rak małočnaj załozy, kałarektalny rak i ankałahičnyja zachvorvańni repraduktyŭnaj sistemy.
-
27‑hadovaja biełaruska bieź dziaciej idzie na sterylizacyju — i voś čamu joj možna
-
U Minsku miedyki zrabili ŭnikalnuju apieracyju: pacyjentu pierasadzili jaho ŭłasnuju kostku razam z sasudami
-
«U nas mizernaja kolkaść tych, chto biare svabodnyja dypłomy». Čynoŭnica Minzdaroŭja prakamientavała admienu płatnaha navučańnia ŭ miedycynskich VNU
Kamientary