Palitźniavolenamu žurnalistu Iharu Karnieju praciahnuli znachodžańnie ŭ PKT
Palitźniavolenaha žurnalista Ihara Karnieja pakinuli ŭ PKT (pamiaškańni kamiernaha typu) jašče prynamsi na 4 miesiacy. Pra heta paviedamiła krynica «Radyjo Svaboda», jakaja prasiła nie nazyvać jaje dziela biaśpieki. Za što na Ihara nakłali spahnańnie, krynicy nieviadoma.
U sakaviku žurnalista Ihara Karnieja pakarali 3 hadami źniavoleńnia pavodle č. 3 art. 361-1 Kryminalnaha kodeksa («udzieł u ekstremisckim farmavańni»). Adbyvać pakarańnie Karnieja nakiravali ŭ kałoniju № 17 u Škłovie. Uletku, pavodle krynicy, Ihara źmiaścili ŭ PKT pieršy raz. Termin dadatkovaj izalacyi pavinien byŭ zakončycca ŭ žniŭni, ale ciapier stała viadoma, što ŭ atrad z PKT palitviazień tak i nie viarnuŭsia.
«Viadoma, što da kanca studzienia 2025 hoda jon prabudzie ŭ PKT. Zvanki jamu zabaronienyja, pasyłku ź ciopłymi rečami nie atrymaje, adna ŭžo viarnułasia, banderol tolki praz 6 miesiacaŭ. Časam piša listy», — paviedamiła krynica.
Viadomyja i niekatoryja bytavyja padrabiaznaści žyćcia Ihara Karnieja ŭ PKT.
«Špacyr u jaho 30 chvilin na dzień. Z zadavalnieńniem vychodzić na prahułku pry lubym nadvorji. Ź biblijateki biare čytać knihi. Času na čytańnie tam mała, ale jaki jość, vykarystoŭvaje całkam», — paviedamiła krynica pra Ihara Karnieja.
Iharu Karnieju 56 hadoŭ. 5 kastryčnika ich z žonkaj šlubu spoŭnicca 33 hady. U ich čatyry dački. Druhi hod jany buduć adznačać siamiejnaje śviata asobna. Siamja Ihara Karnieja vyjechała ź Biełarusi praz pahrozu pieraśledu.
Žurnalist Ihar Karniej pryznany biełaruskimi pravaabaroncami palitviaźniem. Pavodle Biełaruskaj asacyjacyi žurnalistaŭ, u źniavoleńni ciapier znachodziacca 33 biełaruskija žurnalisty.
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary