Biełaruskaja mastačka z 12-hadovym synam na emihracyi trapiła ŭ biadu
Biełaruskaja rada kultury abviaściła Tydzień salidarnaści z mastačkaj Ninaj Marhajevaj.
Usie danaty, jakija pastupiać u BRK ciaham hetaha tydnia, jany pieradaduć Ninie.
Spadarynia Nina Marhajeva trapiła ŭ ciažkuju situacyju, źviazanuju ź niečakanaj chvarobaj. Dva hady tamu jana z 12-hadovym synam Mironam była vymušanaja vyjechać ź Biełarusi ŭ Polšču, dzie atrymała status dadatkovaj abarony.
U studzieni 2023 hoda ŭ Varšavie ŭ Niny dyjahnastavali bakavy amijatrafičny skleroz (BAS). Na dadzieny momant hetaja chvaroba źjaŭlajecca nievylečnaj.
«Ja zdymaju kvateru, utrymlivaju syna i pakryvaju ŭsie vydatki na lačeńnie. U ciapierašni čas moj fizičny stan značna pahoršyŭsia (nie mahu ruchacca biez padtrymki, ruki amal nie dziejničajuć, chudnieju), i mnie patrebna dapamoha apiekuna, jakomu taksama treba płacić», — piša Nina ŭ abviestcy na staroncy Fundacyi «Kawałek Nieba».
Biełaruskaja rada kultury zaklikaje ŭsich nieabyjakavych dałučycca da zboru. Akramia sabranych srodkaŭ, jakija pastupiać na rachunak, taksama buduć šukać dadatkovyja mahčymaści dla dapamohi Ninie.
Achviaravać možna pa hetaj spasyłcy
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2020
Kamientary