Minabarony Brytanii: U apošnija miesiacy Rasija niesła samyja vialikija štodzionnyja straty z pačatku vajny
Z maja Rasija štodnia hublaje nie mienš za tysiaču čałaviek paranienymi i zabitymi, što stała samymi vysokimi stratami rasijskaj armii va Ukrainie z pačatku vajny.
Pavodle acenki brytanskich vajskoŭcaŭ, u mai Rasija hublała ŭ siarednim 1262 vajskoŭcaŭ kožny dzień, u červieni — 1163, u lipieni — 1140, a ŭ žniŭni — 1187.
Minabarony Vialikabrytanii čakaje, što ŭ vieraśni straty rasijskaj armii ŭ siarednim taksama buduć pieravyšać 1000 čałaviek u dzień.
U 2022 hodzie, jak vynikaje z apublikavanaha brytanskimi vajennymi paviedamleńnia, Rasija štodnia hublała ad 236 da 537 čałaviek u dzień. Maksimalnaha ŭzroŭniu straty dasiahnuli ŭ kancy hoda, havorycca ŭ paviedamleńni.
U 2023-m straty vahalisia ad 701 da 967 čałaviek u dzień, paviedamiła Minabarony Vialikabrytanii. Bolš za ŭsio zabitych i paranienych u rasiejskim vojsku było taksama ŭ samym kancy hoda, vynikaje z paviedamleńnia.
Ahulnyja straty Rasii zabitymi i paranienymi z pačatku vajny Minabarony Vialikabrytanii acaniła ŭ 610 tysiač čałaviek.
Padobnuju acenku ahulnaj kolkaści strat rasijskaj armii tydzień tamu publikavała The Wall Street Journal, pa danych jakoj, z pačatku vajny Rasija straciła kala 600 tysiač vajennych paranienymi i zabitymi, piša «Ahienctva».
Z kanca krasavika Rasija aktyvizavała nastup u Danieckaj i Charkaŭskaj abłaściach. Z hetym moža być źviazany rost strat u mai i nastupnych miesiacach, pra jaki paviedamlaje Minabarony Vialikabrytanii.
Apošni raz Rasija apublikavała aficyjnyja straty ŭ vajnie z Ukrainaj u vieraśni 2022 hoda. Tady Siarhiej Šajhu paviedamiŭ, što zahinuli 5937 vajskoŭcaŭ.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary