Mazyrski NPZ za tydzień lipieńskaha ŭrahanu moh stracić 35 młn dalaraŭ
Na zavodzie padličyli straty ad lipieńskaj niepahadzi, jany akazalisia vialikimi, piša «Fłahštok».
Mazyrski NPZ padličyŭ straty, paniesienyja padčas lipieńskaha ŭrahanu ŭ Homielskaj vobłaści.
Pradpryjemstva za tydzień mahło stracić da 35 młn dalaraŭ.
«Raniej za miesiac (da sychodu zavoda ŭ straty ŭ pačatku 2024 hoda — zaŭv.) prybytak MNPZ moh składać 20—30 młn dalaraŭ, a ciapier za tydzień naličyli 35 miljonaŭ dalaraŭ strataŭ», — raskazała infarmavanaja krynica.
U hetuju sumu akramia ramontnych rabot uvajšoŭ i prastoj zavoda.
Mazyrski NPZ niasie vielizarnyja straty z pačatku 2024 hoda. Situacyja pahoršyłasia paśla ŭrahanu, jaki praniośsia nad terytoryjaj Homielskaj vobłaści 14 lipienia 2024 hoda. Zavod zastaŭsia biez elektrazabieśpiačeńnia z-za abvalvańnia linii elektrapieradač. Padklučeńnie da alternatyŭnych krynic enierhii akazałasia niemahčymym z-za adklučeńnia Biełarusi ad enierhasistemy Ukrainy paśla ŭvarvańnia rasijskich vojskaŭ ź biełaruskaj terytoryi.
Paźniej stała viadoma pra źnižeńnie abjomaŭ vytvorčaści z-za błekaŭta, vyklikanaha abryvam linij elektrapieradač. Ciapier ža nastupstvy zmohuć adčuć na sabie i supracoŭniki pradpryjemstva. Kiraŭnictva MNPZ niadaŭna aznajomiła piersanał z zahadam, jaki praduhledžvaje źnižeńnie premii dla rabotnikaŭ roznych cechaŭ pradpryjemstva.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary