U Polščy chacieli pabudavać avijabazu, ale miesca akazałasia zaniatym redkimi žyviołami
Rabyja suśliki, jakija achoŭvajucca ŭ Polščy zakonam, pasialilisia na terytoryi pablizu Lublinskaha aeraporta, dzie miascovaje Ministerstva abarony Polščy chacieła pabudavać avijabazu. Jak ni dziŭna, vajskoŭcam daviałosia adstupić, piša «Zialony partał».
Jak paviedamlajecca, jašče ŭ sakaviku hetaha hoda polskija vajskoŭcy paviedamili pra budaŭnictva pastajannaj armiejskaj avijabazy ŭ Lublinskim aeraporcie, raźmieščanym u horadzie Śvidnik.
Ciapier terytoryju aeraporta vykarystoŭvaje miascovy aerakłub. Mienavita tut pavinna była ŭładkoŭvacca baza, ale, jak vyśvietliłasia, heta miesca ŭžo ablubavała niekalki dziasiatkaŭ, maksimum dźvieście asobin raboha suślika.
Z-za hetaj kałonii budaŭnictva zhadanaj bazy vyrašyli adkłaści. Ciapier inviestycyjny abjekt budzie pabudavany ŭ lasnoj zonie na poŭnač ad aeraporta.
Raby suślik farmalna znachodzicca pad achovaj i ŭ Biełarusi, adnak jahonyja kałonii, što isnujuć u asnoŭnym u Niaśvižskim rajonie, rehularna padviarhajucca vyprabavańniam: pali, dzie žyvuć suśliki, razvorvajuć i zakidajuć uhnajeńniami.
Bačycie suślika? A jaho i niama. U Biełarusi źniščyli redkuju kałoniju suślika, ciapier dabivajuć druhuju
U Biełarusi pračnulisia suśliki. Ciapier užo dakładna zimy nie budzie
Vyjšli sa śpiački hetyja simpatyčnyja žyviolinki
U Niaśvižskim rajonie źniščyli samuju maleńkuju ŭ Biełarusi kałoniju suślikaŭ. Što tam narabiłasia?
Niekalki kałonij raboha suślika ŭ Biełarusi pieradadzienyja pad achovu
U Biełarusi znajšli samaje bujnoje pasielišča suślikaŭ
Kamientary
žach jaki... voś raby-suśliki i źbiehli ŭ Polšču