U Breście za «ŭdzieł u masavych biesparadkach» sudziać adrazu siem čałaviek
Im pahražaje da vaśmi hadoŭ kałonii.
U sudzie Maskoŭskaha rajona Bresta 11 vieraśnia raspačaŭsia masavy sud pavodle č. 2 art. 293 KK (udzieł u masavych biesparadkach). Pa spravie prachodziać adrazu siem čałaviek: Siarhiej Filimonaŭ, Ihar Varanovič, Alaksandr Štyk, Uładzisłaŭ Piskunovič, Vital Hira, Jaŭhien Mielničuk, Dźmitryj Pośnikaŭ.
Im pahražaje da vaśmi hadoŭ kałonii. Usich abvinavačvajuć va ŭdziele ŭ paślavybarčych akcyjach pratestu ŭ 2020-m hodzie, piša «Viasna».
Raniej pa hetym artykule ŭ Breście asudzili ažno 70 čałaviek, ciapier bieraściejcaŭ sudziać pavodle art. 342 KK.
Pra zatrymańnie niekatorych ź ich paviedamili praŭładnyja telehram-kanały. Tak, 25 sakavika apublikavali videa zatrymańnia Ihara Varanoviča — u kvateru da jaho pryjšli jak minimum piaciora siłavikoŭ sa zbrojaj, u broniekamizelkach i šlemach. Mužčynu ŭ adnoj bialiźnie pavalili na padłohu.
Na «pakajalnym videa» ad 4 krasavika Jaŭhien Mielničuk «pryznaŭsia» ŭ tym, što padčas akcyi «machaŭ rukoj» natoŭpu, kažučy «atačajcie AMAP», i kidaŭ kamiani.
Praces viadzie sudździa Jaŭhien Brehan, na rachunku jakoha minimum 24 asudžanych pavodle palityčnych matyvaŭ.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary