Sport11

Ukrainski futbalist tak chacieŭ hulać u Biełarusi, što nielehalna pierapłyŭ pamiežnuju raku

Ukrainski bramnik Dzianis Šelichaŭ niadaŭna padpisaŭ kantrakt ź biełaruskim kłubam «Słavija-Mazyr». Hetym zacikavilisia žurnalisty z ukrainskaha vydańnia Sport Express, jakija vyśvietlili, što za miažu futbalist vyjechaŭ niezakonna. Vyśvietlić padrabiaznaści jany sprabavali i ŭ samoha spartsmiena.

Kałaž: Sport-express.ua

Jak stała viadoma Sport-express.ua ź dźviuch krynic, kab zmahčy hulać u Mazyry, Dzianis Šelichaŭ nielehalna pierapłyŭ pamiežnuju raku Cisu na zachadzie krainy. Pierad hetym jon nibyta staranna rychtavaŭsia da ŭciokaŭ z Ukrainy i ciaham dvuch miesiacaŭ chadziŭ na raku treniravacca płavać z łastami.

@belarusnovosti Ukrainskij futbolist pieriepłył rieku, čtoby ihrať v biełorusskom kłubie #mozyŕ #słavijamozyŕ #ukraina #biełaruś #hranica #biełorusy #biełaruśnovosti #chierson #minsksiejčas ♬ Giga Chad - sergionabeat

Sam futbalist, da jakoha žurnalistam udałosia datelefanavacca, pra svajo pierasiačeńnie miažy havaryć admoviŭsia. Jamu prapanoŭvali raskazać, jak i dzie jon pierasiakaŭ miažu lehalna, kali viersija pra nielehalnaje pierasiačeńnie niepraŭdzivaja, ale jon ad hetaha ŭchiliŭsia. 

Pierad hetym ukrainski žurnalist ź im źviazvaŭsia, prykinuŭšysia supracoŭnikam nibyta biełaruskaha spartyŭnaha vydańnia, i Šelichaŭ u adkaz na pytańnie, ci nie baicca jon chejtu z boku suajčyńnikaŭ, adkazaŭ nastupnaje:

«Nu, a što zrobiš. Chto mianie viedaje, toj zrazumieje, a chto nie viedaje, to ja ž nie budu kožnamu kazać i raspaviadać, čamu tak adbyłosia. Pahavorać i praz tydzień zabuduć».

Dzianisu Šelichavu 35 hadoŭ, jon naradziŭsia ŭ Chiersonie. Hulaŭ u «Dniapry», łuckaj «Vałyni», a ŭ 2023-2024 hadach byŭ hulcom kłuba «Viktoryja» z Sumaŭ. U jahonaj bijahrafii raniej užo byŭ biełaruski epizod, bo ŭ 2017-2018 hadach jon hulaŭ u minskim kłubie «Pramień», a paśla ŭ «Isłačy».

Pavodle ŭłasnych słoŭ Šelichava ŭ intervju pres-słužby «Słavija-Mazyr», tyja staryja suviazi akurat i adyhrali hałoŭnaje značeńnie ŭ jahonym rašeńni, niahledziačy na pikantny ciapierašni momant, pryjechać zaviaršać karjeru ŭ Biełaruś.

Kamientary1

  • Spadar T.
    10.09.2024
    Lepiej čym suprać voli ý šturmaviki. Užo byli vypadki kali TCK zabirali futbalistaý pierad hulnioj u busik i dalej na 0 vajavać. Žyćcio ý kožnaha adno i jon sam vyrašaje.... Kali chtosci jaho asudžaje, to chaj sam jedzie pad Kursk ci na Danbas vajavać. Lohka razvažać kali ý samoha dupa ý biaśpiecy.

Ciapier čytajuć

U Biełarusi krytyčna padaje naradžalnaść. A jak u susiednich krainach?2

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

Wildberries vychodzić na rynak taksi ŭ Biełarusi1

Jak vybrać pravilnuju padušku i ci dapamoža masaž ad bolaŭ u šyi? Adkazvaje doktar-artapied

Rasija naniesła masiravany ŭdar pa adnym z apieratyŭnych aeradromaŭ Ukrainy5

U Biełarusi prydumali syrnaje marožanaje1

Rybak na Prypiaci vyciahnuŭ taŭstałobika vahoj za 25 kiłahram2

Ukraina atakavała vajskovy zavod u Čuvašyi1

Ci možna jeści prarosłuju bulbu, cybulu i časnok?3

Dypłamatyčny daradca Cichanoŭskaj raskazaŭ, navošta jamu zvaniŭ Borys Džonsan4

DAI budzie vykarystoŭvać novyja kamiery ŭ Minsku — dla kantrolu spynieńnia i stajanki1

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?2

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić