U Łatvii raźbiŭsia rasijski vajskovy dron, jaki zalacieŭ ź Biełarusi
Na ŭschodzie Łatvii ŭ subotu, 7 vieraśnia, raźbiŭsia rasijski vajskovy dron. Pra heta paviedamiła łatvijskaje Ministerstva abarony.
Pavodle paviedamleńnia abaronnaha viedamstva, incydent zafiksavali ŭ subotu ŭ Rezeknienskim krai na ŭschodzie Łatvii.
Adkaznyja słužby praciahvajuć vyśviatlać abstaviny incydentu, ale,
pavodle papiarednich źviestak, rasiejski vajskovy dron ulacieŭ u pavietranuju prastoru Łatvii z terytoryi Biełarusi.
Łatvijskija siły abarony, u adpaviednaści z pracedurami, prainfarmavali pra incydent čynoŭnikaŭ, pravaachoŭnikaŭ i kamandavańnie NATA. Zaraz praciahvajecca rasśledavańnie incydentu.
Nakolki viadoma, heta pieršy z pačatku poŭnamaštabnaha ŭvarvańnia vypadak, kali vajskovy dron Rasiei parušaje pavietranuju prastoru Łatvii.
Ministr abarony krainy Andrus Spruds na hetym fonie padkreśliŭ, što Łatvii nieabchodna praciahvać pačatuju pracu pa ŭmacavańni ŭschodniaj miažy, u pryvatnaści raźvivać mahčymaści supraćpavietranaj abarony i srodki radyjaelektronnaj baraćby.
Prezident Łatvii Edhars Rynkievičs zajaviŭ ab nieabchodnaści kalektyŭnaha reahavańnia na takija incydenty z rasiejskimi dronami, bo «kolkaść takich incydentaŭ na ŭschodnim fłanhu NATA raście», piša «Jeŭrapiejskaja praŭda».
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia25
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary
Nu i dzie adkaz NATA pa Rasiei?
(Pra jaki nam pastajanna chvalacca litoŭcy? Kali chočuć prynizić biełarusaŭ, što maŭlaŭ, biełarusy ničoha nie robiać, a Litvu NATA abaronić).
Nu voś Rasieja teściruje ataku na Łatviju.
Heta vidavočna. Meta Rasiei: kab usieudar u adkaz pryjšoŭsia pa našaj terytoryi, a nie pa rasiejskaj.
Usie krainy Zachadu pramaŭčali, kali ŭ studzieni 2023 Rasieja ściahnuła svaje vojski na terytoryju Biełarusi dla ataki na Ukrainu.
I Łatvija, kraina NATA, taksama maŭčała.
Adzin Zianon Paźniak biŭ va ŭsie zvany, što rychtujecca vajna. Ale jaho nichto nie słuchaŭ. I nie drukavaŭ.
A možna ž było ŭsio spynić na starcie. Kali b Zachad tady adreahavaŭ. Ale jon zapluščyŭ vočy.