Jakija śpiecyjalnaści ŭ biełaruskich VNU stali samymi papularnymi ŭ 2024 hodzie
Pra vyniki ŭstupnaj kampanii 2024 hoda BIEŁTA raskazaŭ načalnik hałoŭnaha ŭpraŭleńnia prafiesijnaj adukacyi Minadukacyi Siarhiej Piščaŭ.
Pavodle jaho słoŭ, na ŭzroŭni vyšejšaj adukacyi samymi papularnymi stali «stamatałohija» ŭ BDMU, «suśvietnaja ekanomika» ŭ BDU i «prahramnaja inžynieryja» ŭ BDUIR, prachadny bał na jakija skłaŭ 395 z 400.
«Krychu mienš, 391 bał, — na śpiecyjalnaść «prykładnaja infarmatyka» ŭ BDU. Ale tut jość takaja asablivaść, što ŭ miedycynskija VNU ŭ hetym i minułym hodzie da 80% dziaciej pastupali na ŭmovach metavaj padrychtoŭki. Praz heta kolkaść miescaŭ dla pastupleńnia na ahulnych padstavach była nievialikaj», — raspavioŭ Siarhiej Piščaŭ.
Taksama čynoŭnik ahučyŭ śpiecyjalnaści z samym vysokim konkursam.
«Na śpiecyjalnaść «hrafičny dyzajn i multymiedyjadyzajn» Hrodzienskaha dziaržaŭnaha ŭniviersiteta imia Janki Kupały zafiksavany konkurs bolš za 20 čałaviek na miesca. Taksama, tradycyjna, vialikija konkursy na IT-śpiecyjalnaści i na śpiecyjalnaści ŭ halinie fizičnaj kultury i sportu», — skazaŭ Piščaŭ.
Jon kaža, što konkurs — nie zusim abjektyŭny pakazčyk papularnaści śpiecyjalnaści. «Naprykład, kali na niejkuju śpiecyjalnaść abjaŭlena piać biudžetnych miescaŭ i dakumienty padaje 20 čałaviek, to konkurs atrymlivajecca čatyry čałavieki na miesca. A, naprykład, na śpiecyjalnaść «lasnaja haspadarka», dzie płan pryjomu na biudžet 100 čałaviek, kab atrymaŭsia konkurs piać čałaviek na miesca, pavinny padać dakumienty 500 čałaviek», — dadaŭ śpiecyjalist.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary