Ci šmat biełarusaŭ choča zbližeńnia z Rasijaj? Voś što pakazała apytańnie
U biełarusaŭ taksama spytali, ci varta zbližacca ź Jeŭropaj.
Apublikavany vyniki novaha daśledavańnia Chatham House. Pa źniešniepalityčnaj aryjentacyi biełarusy tradycyjna padzieleny na try hrupy.
Ź ich dźvie — prarasijskaja i praniejtralnaja — vialikija, a prazachodniaja — maleńkaja. Pry hetym prychilniki zbližeńnia z Rasijaj (34%) nie składajuć bolšaści ŭ biełaruskim hramadstvie, chacia ich u dva z pałovaj razy bolej za prychilnikaŭ jeŭraintehracyi (13%).
Vialikaja kolkaść respandentaŭ (35%) skazała, što maje składanaść z adkazam (što možna patłumačyć jak niavyznačanaściu, tak i faktaram strachu).
Maleńkaja kolkaść prychilnikaŭ jeŭraintehracyi, jak pakazała daśledavańnie, tłumačycca nie tolki napružanymi adnosinami Zachadu z režymam Łukašenki, ale i zakrytaściu Zachadu dla prostych biełarusaŭ.
Zhodna z vynikami apytańnia, kožny vośmy respandent (13%) ličyć vierahodnym ustupleńnie Biełarusi ŭ ES na praciahu nastupnych 15 hadoŭ. A voś zusim nie vieryć u heta ci ličyć małaimaviernym kožny druhi (51%).
Pry hetym u ludziej niama kansensusu adnosna pieraškod na šlachu Biełarusi ŭ ES. Amal adnolkavaja kolkaść apytanych skazała, što hetamu pieraškadžaje ŭrad Rasii, nie choča ŭrad Biełarusi ci nie chočuć sami krainy ES.
***
Apytańnie Chatham House prachodziła z 28 červienia pa 3 lipienia 2024 hoda. Udzieł u im pryniali 827 respandentaŭ. Aŭtary adznačajuć, što vyniki abmiežavany haradskim nasielnictvam i karystalnikami internet. Heta — a taksama faktar strachu — mahło krychu skazić karcinu.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary
Tamu tut niekarektny zahałovak. Idziecca nie pra biełarusaŭ, jak nacyju, a tolki pra žycharoŭ Biełarusi, jak častku hetaj nacyi.
Nie toje kab šancaŭ nie było, ale jany zychodziać nie ad naroda - tolki apantanaja hrupa rašučych ludziej zmoža ŭziać i ŭtrymać uładu.