MZS Rasii: Biełaruś vykonvaje sajuźnickija abaviazki, zasiarodžvajučy vojski na miažy z Ukrainaj
Pradstaŭnica rasijskaha MZS Maryja Zacharava vyrašyła zastupicca za aficyjny Minsk pierad Ukrainaj.
Zacharava adreahavała na zajavu MZS Ukrainy ad 25 žniŭnia, u jakoj Kijeŭ zaklikaŭ Minsk advieści vojski ad paŭdniovaj miažy.
Pradstaŭnica rasijskaha zamiežnapalityčnaha viedamstva nazvała takija patrabavańni nieprymalnymi. Jana zajaviła, što Biełaruś vykonvaje abaviazacielstvy pierad Rasiejaj, kali zasiarodžvaje vojski na miažy z Ukrainaj.
«Svaimi krokami pa ŭzmacnieńni abarony miažy z Ukrainaj biełaruskija sajuźniki dobrasumlenna vykonvajuć uziatyja na siabie abaviazacielstvy pa niedapuščeńni ŭdaraŭ u śpinu Rasii», — zajaviła Zacharava.
Zajavu MZS Ukrainy jana nazvała «chamskim demaršam z pahrozami rascuhlanaha charaktaru». Zacharava taksama nahadała, što na terytoryi Biełarusi bazujecca rasijskaja jadziernaja zbroja.
«U dakumiencie (vajennaj daktrynie Sajuznaj dziaržavy — zaŭv. NN) prapisanaja ćviordaja rašučaść dziaržaŭ-udzielnic zabiaśpiečyć vajennuju biaśpieku Sajuznaj dziaržavy ŭsimi najaŭnymi ŭ rasparadžeńni siłami i srodkami. Jak viadoma, na brackaj biełaruskaj ziamli ŭ ciapierašni čas razhornutaja sumiesnaja rehijanalnaja hrupoŭka vojskaŭ, a taksama sučasnyja rasijskija abaronnyja kompleksy i taktyčnaja jadziernaja zbroja», — zajaviła Zacharava.
Jana pryhraziła Ukrainie i krainam NATA «zhubnymi nastupstvami».
Zajavy Zacharavaj razychodziacca z pazicyjaj, zadekłaravanaj biełaruskim Ministerstvam zamiežnych spraŭ. «Prysutničaje niejkaja chitraja hulnia, raźličanaja na ŭnutranaje spažyvańnie albo na atrymańnie avacyj z Zachadu», — havaryłasia ŭ adkazie pres-sakratara MZS A.Hłaza na pytańnie ŚMI pra reakcyju biełaruskaha boku na zajavu MZS Ukrainy z patrabavańniem advieści biełaruskija vojski ad biełaruska-ŭkrainskaj miažy.
«Hałoŭnaje — nie pierachitryć samoha siabie». MZS Biełarusi adkazała na zaklik Ukrainy advieści vojski ad miažy
Biełaruś kancentruje vojski kala paŭdniovaj miažy — MZS Ukrainy
«Drazdy-3». Jak u pasiołku pad Minskam pasialilisia Hałoŭčanka, Hłaz, Jančeŭski, Kavalčuk i inšaja łukašenkaŭskaja elita
Ukraincy sprabavali prarvacca ŭ Klimaŭski rajon Branskaj vobłaści — jon miažuje ź Biełaruśsiu
Łukašenka apraŭdvaŭsia na rasijskim TB za advod vojskaŭ ad ukrainskaj miažy
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary