Pavodle infarmacyi śpiecsłužbaŭ Ukrainy, Biełaruś pad vyhladam vučeńniaŭ kancentruje ŭ Homielskaj vobłaści značnuju kolkaść asabovaha składu i vajennaj techniki. Taksama zafiksavana prysutnaść najmitaŭ byłoj PVK «Vahnier».
Zajavu apublikavała Ministerstva zamiežnych spraŭ Ukrainy.
Ukrainskaje viedamstva zajaŭlaje, što Uzbrojenyja siły Biełarusi pad vyhladam vučeńniaŭ kancentrujuć u Homielskaj vobłaści kala paŭnočnych miežaŭ Ukrainy značnuju kolkaść asabovaha składu, u pryvatnaści sił śpiecyjalnych apieracyj, uzbrajeńnia i vajennaj techniki, u tym liku tanki, artyleryju, supraćpavietranuju zbroju, avijacyjnyja rakiety, srodki SPA i inžyniernaje abstalavańnie.
Taksama zafiksavana prysutnaść najmitaŭ byłoj PVK «Vahnier».
MZS Ukrainy źviartaje ŭvahu, što praviadzieńnie vučeńniaŭ u pamiežnaj zonie i ŭ niepasrednaj blizkaści ad AES, Čarnobylskaj AES stvaraje pahrozu nacyjanalnaj biaśpiecy Ukrainy i suśvietnaj biaśpiecy ŭ cełym.
«My zaklikajem aficyjnych asob Respubliki Biełaruś nie dapuskać trahičnych pamyłak dla ŭłasnaj krainy pad ciskam Maskvy, a jaje ŭzbrojenyja siły spynić niedružalubnyja dziejańni i advieści vojski ad dziaržaŭnaj miažy Ukrainy na adlehłaść, jakaja pieravyšaje radyus dziejańnia najaŭnych u Respublicy Biełaruś sistem ahniu».
Viedamstva padkreślivaje, što Ukraina nikoli nie rabiła i nie źbirajecca rabić nijakich niedružalubnych dziejańniaŭ suprać biełaruskaha naroda.
«Papiaredžvajem, što ŭ vypadku parušeńnia Biełaruśsiu dziaržaŭnaj miažy Ukrainy naša dziaržava prymie ŭsie nieabchodnyja miery dla realizacyi prava na samaabaronu, harantavanaha Statutam AAN. Pry hetym usie kancentracyi vojskaŭ, vajskovyja abjekty i šlachi zabieśpiačeńnia na terytoryi Biełarusi buduć zakonnymi abjektami dla Uzbrojenych sił Ukrainy».
«Biełaruski Hajun» śćviardžaje, što ciapierašniaja eskałacyja abstanoŭki na miažy stavić nie vajennyja mety, a infarmacyjnyja i palityčnyja.
Pavodle infarmacyi kanała, hrupoŭka, skancentravanaja kala paŭdniovaj miažy, składaje kala 1100 čałaviek asabovaha składu, što nie niasie pahrozy dla Ukrainy. Da taho ž biełaruskija vojski raźmieščany na hłybini da 50 kiłamietraŭ ad miažy.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary
Zaraz ursr zaniepakoiłasia.
A ja ni padłukašenkam, ni ursr adzinamaratoncam nia vieru.
I nikomu nia zyču vieryć dziaržsłužačym.
A pra vojski ja nia viedaju prosta, dzie jany
Zahadka: čym roźnicca ŭrbanist ad staršyni rajvykankamu?
Staršynia rajvykankamu centralna planuje čałavietniki, a ŭrbanist vyłuzajecca pakazać, što pavodle jakonaje schiemie hadavancam budzie ŭležniej