Uładalnik «Pajedziem pajadzim» la Kurapataŭ adkryŭ novy restaran u Novaj Baravoj
Biznesmien Leanid Zajdes, uładalnik skandalnaha restarana «Pajedziem pajadzim» la Kurapataŭ, jaki vyklikaŭ šmat sprečak i sabraŭ vachtu abaroncaŭ miesca stalinskich rasstrełaŭ, adkryŭ u Novaj Baravoj restaran «Dieło vkusa».
Pra toje, što restaran naležyć Zajdesu, napisaŭ błohier «Mierzkij Kokobaj». «Dieło vkusa» maje farmat zaharadnaha kafe z damašniaj i hruzinskaj kuchniaj. Paviačerać tam kaštuje ŭ siarednim ad 50 rubloŭ na čałavieka.
Restaran «Pajedziem pajadzim» kala Kurapataŭ adkryli ŭ 2018 hodzie. Spačatku restaran źbiralisia nazvać «Bulbaš-Choł», ale pad ciskam aktyvistaŭ nazvu źmianili na bolš niejtralnuju. Mnohija byli suprać zabaŭlalnaj ustanovy la miesca masavych rasstrełaŭ achviar stalinskich represij, niepadalok ad restarana źbirałasia varta abaroncaŭ Kurapataŭ. Aktyvisty patrabavali zakryć restaran, a naviedvalnikaŭ sprabavali ŭhavaryć nie jeści tam.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary