Sport Illustrated sprahnazavaŭ tchekvandystu Hieorhiju Hurcyjevu zołata.
Hieorhij Hurcyjeŭ pazmahajecca za miedali ŭ vahavoj katehoryi da 58 kh. Pieršym supiernikam našaha spartsmiena budzie francuzski atlet Siryjan Ravie, pasiejany na turniry pad čaćviortym numaram siarod 18 udzielnikaŭ, paviedamlaje BiełTA.
Aryjencirovačny čas pačatku startaŭ — 10.45 pa Minsku. Usie nastupnyja stadyi až da finału ŭ samaj lohkaj vazie ŭ tchekvandystaŭ taksama projduć siońnia.
U minułym hodzie Hieorhij Hurcyjeŭ staŭ siarebranym pryzioram čempijanatu śvietu.
U 11.40 na Alimpijskim vodnym stadyjonie startujuć spabornictvy bajdaračnikaŭ na dystancyi 1000 m, dzie zajaŭleny Uładzisłaŭ Kraviec.
Biełarus vystupić u pieršym papiarednim zajeździe, kampaniju jamu składuć pradstaŭniki ZŠA, Partuhalii, Maroka, Samoa i kamandy biežancaŭ.
Dla pramoha prachodu ŭ paŭfinał nieabchodna finišavać u top-2, u vypadku niaŭdačy Kraviec voźmie ŭdzieł u čverćfinale, jaki pačniecca a 15-j. Sioleta Uładzisłaŭ uziaŭ dva zołaty čempijanatu Jeŭropy ŭ bajdarcy-čaćviorcy, a taksama staŭ šmatrazovym čempijonam hulniaŭ krain BRIKS.
***
U biełarusaŭ na Alimpijadzie, nahadajem, try miedali: zołata i srebra na skačkach na batucie ŭ Ivana Litvinoviča i Vijalety Bardziłoŭskaj, srebra ŭ akademičnym viesłavańni ŭ Jaŭhiena Załatoha (2000 mietraŭ).
Lidziruje pa miedalach zbornaja ZŠA — 86 miedaloŭ (24 załatyja, 31 srebrany, 31 bronzavy), u Kitaja — 59 (22+21+16), u Aŭstralii — 35 (14+12+9), Francyi — 48 (13+16+19), Vialikabrytanii — 46 (12+15+19).
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka5
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary