Prezident Irana paabiacaŭ Šajhu adpomścić Izrailu za hibiel lidara CHAMAS
Iranskija ŭłady vyklikali zamiežnych pasłoŭ u Tehieranie i papiaredzili, što ličać «maralnym abaviazkam» pakarać Izrail za hibiel Ismaiła Chanii ŭ iranskaj stalicy.
Prezident Irana Masud Piezieškijan na sustrečy z sakratarom Rady biaśpieki Rasii Siarhiejem Šajhu zajaviŭ, što Tehieran abaviazkova adkaža Izrailu na zabojstva palityčnaha lidara CHAMAS Ismaiła Chanii, piša RBK.
Pa słovach Piezieškijana, jaho kraina «nijakim čynam nie imkniecca pašyryć maštaby vajny i kryzisu» na Blizkim Uschodzie, ale Izrail «vidavočna atrymaje adkaz za svaje złačynstvy i nachabstva».
Jak piša Guardian, iranskija ŭłady vyklikali zamiežnych pasłoŭ u Tehieranie i papiaredzili, što ličać «maralnym abaviazkam» pakarać Izrail za hibiel Chanii ŭ iranskaj stalicy. 30 lipienia toj prybyŭ u Tehieran na inaŭhuracyju Piezieškijana, a na nastupnuju ranicu, jak pisali Al Hadath i Al Arabiya, byŭ zabity ŭ vyniku pramoha trapleńnia rakiety.
Pa danych The New York Times, pryčynaj śmierci Chanii stała bomba, zakładzienaja ŭ domie, dzie jon nie raz spyniaŭsia.
Adkaznaść Iran uskłaŭ na Izrail, kraina nie paćvierdziła i nie abvierhła svajo dačynieńnie.
V.a. ministra zamiežnych spraŭ Irana Ali Bahiery Kani zajaviŭ na sustrečy z zamiežnymi pasłami što zabojstva Chanii stała «parušeńniem terytaryjalnaj cełasnaści Irana», jakoje «nie moža zastacca biez adkazu». Iranskaje dziaržaŭnaje telebačańnie taksama ŭzmacniła aśviatleńnie kryzisu, padkreślivajučy nieabchodnaść dziejańniaŭ u adkaz.
Axios pisaŭ, što ZŠA i Izrail čakajuć udaru ŭ adkaz z boku Irana 5 žniŭnia.
Sky News Arabia pryvodziŭ inšuju datu — 13 žniŭnia, kali nastupić dzieviataje ava (Ciš'a bie-av), žałobny dzień u habrejskim kalendary, pryśviečany šerahu katastrof u historyi habrejaŭ.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Izrail - trymajciesia i niščycie hetych terarystaŭ ✊