Rasijski apazicyjanier, jaki vyjšaŭ pa abmienie viaźniami: Dla mianie niedapuščalna dapamahać USU
Rasijski apazicyjny palityk Andrej Pivavaraŭ byŭ vyzvaleny ŭ vyniku abmienu viaźniami pamiž Zachadam i Rasijaj. U intervju «Novaj haziecie. Jeŭropa» siarod inšaha jon vykazaŭsia pra padtrymku ŭkrainskich vajskoŭcaŭ i pra rasiejcaŭ, što iduć na front.
Andrej suprać vajny. Ale pytańnie, ci padtrymlivać USU, dla jaho nieadnaznačnaje. Jon kaža, što palityku treba być patryjotam i lubić svaju krainu, jakoj by jana ni była.
«Što tyčycca USU. (…) Heta takoje voś pytańnie, jakoje niapravilna naohuł zadavać rasijskim palitykam, tamu što zrazumieła, što čałaviek, jaki chacieŭ by adkazać na jaho inakš, čym ja, adrazu atrymlivaje kryminalnuju spravu ŭ Rasii. (…)
Što tyčycca padtrymki mienavita vajennych sił, na žal, heta niedapuščalna dla mianie, tamu što ŭsio ž taki ja zastajusia rasijskim palitykam», — skazaŭ u intervju Pivavaraŭ.
Pra rasiejcaŭ, jakija iduć vajavać suprać ukraincaŭ, jon zaŭvažyŭ, što šmat kaho honić strach i biednaść.
«I moža być, hetyja ludzi nie źjaŭlajucca prychilnikami demakratyčnych ideałaŭ, (…) ale žadać im śmierci, dapamahać hetamu dla mianie niedapuščalna. Tamu ja płanuju zajmacca hramadskaj, palityčnaj dziejnaściu, kab znachodzić sposaby zadušyć u hramadstvie padtrymku hetaha i pastaracca ŭdaryć pa finansavym aśpiekcie.
Ale padtrymlivać tych ludziej, jakija sa zbrojaj u rukach zmahajucca suprać Rasii, ja nie hatovy», — ščyra kazaŭ Pivavaraŭ.
Kamientary