Na pasadu hienieralnaha dyrektara Respublikanskaha ŭnitarnaha pradpryjemstva elektrasuviazi «Biełtelekam» pryznačany Alaksiej Ivaškin.
10 lipienia ministr suviazi i infarmatyzacyi Kanstancin Šulhan pradstaviŭ kiraŭnika kalektyvu, paviedamlaje pres-słužba «Biełtelekam».
Kanstancin Šulhan zajaviŭ, što siońnia pierad pradpryjemstvam stajać važnyja zadačy: «Biełtelekam pavinien stać šmatprofilnym apierataram, intehrataram ličbavych rašeńniaŭ dla ekanomiki i nasielnictva, aktyŭna asvojvać novyja napramki, takija jak štučny intelekt, vialikija dadzienyja, technałohii» razumnaha horada», mabilnaja suviaź. Usio heta — asnova dla dalejšaha raźvićcia. Pierakanany, što inicyjatyva kiraŭnictva i prafiesijanalizm kamandy «Biełtelekama» dazvolać dasiahnuć usich pastaŭlenych metaŭ».
U liku asnoŭnych pryjarytetaŭ pracy Alaksiej Ivaškin nazvaŭ davańnie pasłuh na novym uzroŭni jakaści, što, na jaho dumku, stanoŭča adabjecca na ŭsprymańni brenda «Biełtelekam» i dazvolić stać bližej da spažyŭca.
Alaksiej Ivaškin naradziŭsia ŭ Minsku ŭ 1982 hodzie. Kiravaŭ RUP pa nahladzie za elektrasuviaźziu «BiełDIE». U 2001 hodzie skončyŭ vyšejšy kaledž suviazi, u 2004-m — Biełaruski dziaržaŭny ŭniviersitet infarmatyki i radyjoelektroniki, u 2012 hodzie — Akademiju kiravańnia.
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
-
Maładuju dziaŭčynu z Baranavič, jakaja vučyłasia na piedahoha ŭ Hrodnie, aryštavali pa «spravie Hajuna»
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB14
Kamientary