Aŭto1717

Nie tolki mašyny z abjomam ruchavika, bolšym za 1,9 litra. Jakija jašče aŭto nielha budzie pryhaniać u Biełaruś

U apublikavanym dniami rehłamiencie Jeŭrasajuza sotni mytnych kodaŭ tavaraŭ, jakija nielha pastaŭlać u Biełaruś. Siarod ich ź dziasiatak tyčycca transpartnych srodkaŭ. Pahladzieli, jakija aŭto traplajuć pad zabaronu na ekspart u Biełaruś.

Ilustracyjny zdymak. Fota: «Naša Niva»

Sajuz adzin, a patrabavańni roznyja

Prynamsi pakul u Polščy, Litvy i Łatvii dziejničajuć roznyja patrabavańni pa afarmleńni ekspartu mašyn i inšych transpartnych srodkaŭ u Biełaruś.

Polšča jašče z 23 krasavika nie vypuskaje ŭ Biełaruś lubyja aŭto z abjomam, bolšym za 1,9 litra, niezaležna ad cany, hoda vypusku i inšych paramietraŭ. 

Litva z 4 červienia spačatku poŭnaściu spyniła propusk aŭto ŭ Biełaruś uzrostam da 5 hadoŭ. Ale ŭžo bližej da siaredziny miesiaca dała zialonaje śviatło mašynam z abjomam da 1,9 litra va ŭzroście da 5 hadoŭ. Taksama biez abmiežavańniaŭ jechali mašyny, starejšyja za 5 hadoŭ, niezaležna ad abjomu i typu ruchavika.

Pa Łatvii infarmacyi vobmal. Adnyja śćviardžajuć, što tam takija ž patrabavańni, jak i ŭ Litvie. Inšyja kažuć, što praz hetuju krainu dahetul vyjazdžajuć padsankcyjnyja ŭ Rasii aŭto.

Ilustracyjny zdymak. Fota: «Naša Niva»

Što dakładna nielha

Vyhladaje, što novy pakiet sankcyj i padrabiazny rehłamient ES, pryniaty 29 červienia, pavinien prynieści jasnaść. Ale heta nie dakładna.

Adziny rehłamient Jeŭrasajuza padrabiazna apisvaje, jakija aŭtamabili zabaronienyja dla ekspartu ŭ Biełaruś. U im źjaŭlajecca taki novy važny paramietr, jak vyšynia darožnaha praśvietu (klirens).

Pad zabaronu traplajuć:

— lubyja aŭto, daražejšyja za 50 tysiač jeŭra;

— aŭtamabili z abjomam ruchavika, bolšym za 1,9 litra, z klirensam, vyšejšym za 165 milimietraŭ (za vyklučeńniem aŭtamabilaŭ chutkaj dapamohi);

— elektramabili i hibrydy z klirensam, vyšejšym za 165 milimietraŭ.

Jakija transpartnyja srodki zastalisia «prachadnymi»

Dla ŭvozu prachodziać pa rehłamiencie:

— lubyja aŭtamabili koštam da 50 tysiač jeŭra z abjomam ruchavika da 1,9 litra niezaležna ad hodu vypusku i vyšyni darožnaha praśvietu (klirensu);

— aŭtamabili z abjomam ruchavika ad 1,9 litra i z vyšynioj darožnaha praśvietu (klirensu) da 165 mm;

— matacykły koštam da 5 tysiač jeŭra.

Što atrymlivajecca ŭ vyniku?

Z paramietraŭ rehłamientu vynikaje, što ŭ Biełaruś bolš niemahčyma budzie pryhnać bolšaść parkietnikaŭ, usiedarožnikaŭ i mikraaŭtobusaŭ. Usio praz toje, što ŭsie jany majuć bolš vysoki darožny praśviet, čym dazvalaje rehłamient. 

Vyklučeńnie tolki dla tych madyfikacyj, dzie jość ruchavik z abjomam da 1,9 litra, a takich nie tak užo i šmat.

Ilustracyjny zdymak. Fota: «Naša Niva»

Siarod papularnych madelaŭ ź Jeŭropy heta: VW Tiguan, Nissan Qashqai, Renault Kadjar, Audi Q3. Sa Štataŭ — Ford Escape, EcoSport, GMC Terrain, Buick Encore.

Usie inšyja ŭsiedarožniki — takija, jak BMW X3, Ch5, Audi Q5, Q7, VW Touareg — pryvieźci ŭ Biełaruś niemahčyma. Prynamsi lehalnym čynam biez schiematozaŭ z dastaŭkaj praz Turcyju.

Zabyvajemsia nie tolki na džypy, ale i na mikraaŭtobusy

Aproč usiedarožnikaŭ, pad zabaronu na ekspart trapiŭ amal uvieś kamiercyjny transpart. Siarod hruzavych busaŭ, navat pad katehoryju «V», amal adsutničajuć varyjanty z abjomam matora, mienšym za 1,9 litra. Tamu praz patrabavańni pa kliransie pad sankcyjami apynulisia amal usie mikraaŭtobusy.

Usiedarožnik BMW i mikraaŭtobus VW. Ab pryhonie padobnych aŭto ź Jeŭropy možna zabycca. Fota: «Naša Niva»

Ź inšaha boku, rehłamient dazvalaje ekspart u Biełaruś lehkavikoŭ z abjomam ruchavika, bolšym za 1,9 litra, klirensam da 16,5 sm i koštam da 50 tysiač jeŭra ŭ niezaležnaści ad hoda vypusku. Ale sankcyi zabaraniajuć pastaŭki takich aŭto ŭ Rasiju, tamu tut jość niuans.

Choć z rehłamientu vynikaje, što situacyja nie takaja ŭžo i drennaja i navat krychu lepšaja za rasijskuju, na praktycy nijakich pazityŭnych źmien u dačynieńni da mašyn ź vialikim abjomam ruchavika moža nie adbycca.

Farmalna ni Polšča, ni Litva nie zabaraniali ekspart u Biełaruś mašyn z ruchavikom, bolšym za 1,9 litra. Prosta dla afarmleńnia takich mašyn jany pačali patrabavać pakazać daviedku ad aŭtavytvorcy, kab być upeŭnienymi, što takoje aŭto nie nakiroŭvajecca ŭ Rasiju. Atrymać taki dakumient faktyčna niemahčyma. 

Tamu nielha vyklučać, što aŭtamabili z abjomam ruchavika, bolšym za 1,9 litra, hibrydy i elektramabili da 5 hadoŭ tak i nie buduć vypuskać u Biełaruś, pakolki pakupniki nie zmohuć pakazać jeŭrapiejskaj mytni daviedku ad aŭtavytvorcaŭ.

Kamientary17

  • Biełarus
    06.07.2024
    Eto točno pomožiet ostanoviť putina i łukašienko!
  • Kuplajcie biełaruskaje
    06.07.2024
    Šanounyja, kuplajcie biełaruskaje.
  • Josik
    06.07.2024
    A adzieńnie dla dyktatara, hadzińniki, lekavyja srodki, zapčastki dla jaho majbachaŭ i aŭdzi A8? Ci heta ŭsio pa emzeesnaj linii zastaniecca? Mo lepš budziecie adsočvać usialakich fanataŭ dyrektara saŭhasa, jakim dajecio vizy, jakija potym u svaim telehramie chvalacca, jak jany ŭ vašych krainach adpačyvajuć.

Ciapier čytajuć

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?8

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?

Usie naviny →
Usie naviny

U Biełarusi apošnim časam stali aktyŭniej sudzić za ŭdzieł u pratestach5

U Baranavickim rajonie žychary skardziacca na kramu, u jakoj «niemahčyma patracić hrošy»5

U Rasii zastreliŭsia ministr transpartu, źniaty z pasady siońnia ranicaj2

Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam43

Lidar mahiloŭskich fanataŭ paśla sutak źbiraŭsia va Ukrainu pa svabodu, a ciapier jon za Łukašenku, HUBAZiK i Rasiju9

«Bajusia rasčaravać pradaŭca». Ekśpiert rastłumačyŭ, čamu manieta za 16 tysiač moža być pieraacenienaj

Kiraŭnictva Hruzii napisała Trampu abraźlivy list, kali toj zastupiŭ na pasadu6

Kamaroŭski rynak čakaje hłabalnaja rekanstrukcyja

Narodzie, nahadajem, što na «Našaj Nivie» možna kamientavać, łajkać i dyzłajkać kamienty. Voś jakija miechanizmy biaśpieki80

bolš čytanych navin
bolš łajkanych navin

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?8

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?

Hałoŭnaje
Usie naviny →

Zaŭvaha:

 

 

 

 

Zakryć Paviedamić