Hramadstva33

Polskija turysty na «mašynie Funcika» prajechalisia pa Biełarusi i raschvalili jaje na ŭsie łady. Što im tak spadabałasia?

Retra-aŭtamabil «Mercer» pryjechaŭ u Biełaruś z Polščy i adrazu ž staŭ hierojem sacsietak. Mnohija pačali paraŭnoŭvać jaho z aŭtamabilem z multfilma «Pryhody parsiučka Funcika». Akazvajecca, takaja mašyna — adzinaja ŭ svaim rodzie. Jaje 11 hadoŭ budavaŭ palak Ježy Krynicki z Łodzi, natchniŭšysia aŭtapramam 20-ch hadoŭ XX stahodździa. Razam z žonkaj Darotaj Just-Krynickaj jon vyrašyŭ pakatacca pa Biełarusi. Para zajechała ŭ Lidu, dzie dała intervju miascovamu telekanału, zaŭvažyła Hrodna.Life.

Mercedes mašyna funcika retra aŭto z Polščy Ježy Krynicki
Skrynšot Hrodna.life ź videa Lida TB

Što za «mašyna Funcika»?

Ježy Krynicki sam pabudavaŭ svaju mašynu ŭ retra-stylistycy na šasi mikraaŭtobusa Mercedes 207d 1981 hoda. Jon nazvaŭ jaje Mercer i kaža, što jana — adzinaja takaja va ŭsim śviecie. Mužčyna źbiraŭ aŭtamabil 11 hadoŭ i skončyŭ pracu ŭvosień 2023 hoda.

Skrynšoty Hrodna.life ź videa Lida TB

U mašynie ŭstalavany dyzielny ruchavik na 2,5 ł. Dadatkova jość bienzinavy hienieratar: ź jaho dapamohaj na stajancy možna pahrecca, pryhatavać kavu, zaradzić noŭtbuk ci niešta jašče. Jość kandycyjanier, chaładzilnik i nievialikaja rakavina. Bak mieścić krychu bolš za 60 litraŭ, źjadaje mašyna 11 litraŭ na 100 km.

Skrynšot Hrodna.life ź videa Lida TB

«Darohi tut dobryja, pryjemna jechać. A takaja mašyna patrabuje dobrych daroh, — raskazała Darota Just-Krynickaja pra svaje ŭražańni ad Biełarusi. — Usiudy ŭ vas čysta, pryhoža».

Para padčas svajho padarožža naviedała Kobryn, Pinsk, Baranavičy, Minsk, Navahrudak, Mir i Lidu.

«Nam padabajecca Biełaruś, u vas tut spakojna. Moža, Minsk krychu šumny, ale ŭ cełym nam vielmi padabajecca atmaśfiera. Majecie cudoŭnuju zielaninu, dahledžanuju. Ludzi vielmi miłyja, simpatyčnyja», — praciahvaje žančyna.

Para taksama raskazała, čym Biełaruś, pavodle ich nazirańniaŭ, adroźnivajecca ad Polščy.

«U nas kramy ŭ niadzielu nie pracujuć. Tut možna zajści ŭsiudy. Jašče ŭ Biełarusi jość kramy, jakija pracujuć dapazna. U vas adkrytyja banki ŭ subotu. U nas nie. A siarod tydnia tolki da 12», — adznačyła Darota.

U Polščy z 2018 hoda bolšaść kram začynienyja pa niadzielach i ŭ dziaržaŭnyja vychodnyja. Jość usiaho niekalki tak zvanych «handlovych niadziel» u hodzie, kali kramy adčynienyja.

«Vy vielmi pryjaznyja i adkrytyja. U nas mała takich sustreč, jak u vas. Našyja ludzi zamknionyja ŭ sabie i ŭ damach. Nie majem znosin pamiž saboj, jak vy tut. Vidać, što majecie ahulnyja temy, śviaty. U nas užo mienš», — kaža Darota pra svaje ŭražańni ad znosin ź biełarusami.

Kamientary3

  • Pytańniečka
    05.07.2024
    Jaki ž #udak prybrał fejspałm z reakcyj?
  • Indiejec
    05.07.2024
    [Red. vydalena]
  • sus
    05.07.2024
    U Biełarusi žančyny pryhažejšyja. Palak nie viedaŭ i prypiorsia sa svajoj.

Ciapier čytajuć

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi3

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi

Usie naviny →
Usie naviny

BNTU: Vykładčyk, jaki ŭciakaŭ ad milicyi, pamior ad sardečnaha prystupu51

Dalar na tarhach apuściŭsia nižej za try rubli1

Prapała žonka eks-chakieista zbornaj Illi Kaznadzieja5

Jak pastupić u Jeŭrapiejski humanitarny ŭniviersitet u 2025 hodzie? Raskazvajem

U dvoryku BNTU pamior čałaviek, jaki ŭciakaŭ ad milicyi2

«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu2

Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

bolš čytanych navin
bolš łajkanych navin

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi3

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić