Žycharcy Bresta pahražaje da siami hadoŭ kałonii za toje, što dapamahała palitviaźniam
Jaje ŭklučyli ŭ «ekstremisckaje farmavańnie». Im pryznali fejsbuk-supołku, dzie ludzi abmieńvalisia listami ad palitviaźniaŭ.
Irynie Pahadajevaj 54 hady. Jana z Bresta. Pracavała ŭ miascovaj biblijatecy biblijohrafam. Miarkujučy pa sacsietkach, u jaje dvoje dziaciej.
Nieviadoma, kali jaje zatrymali, ale, imavierna, naprykancy studzienia, kali jaje sudzili za «raspaŭsiud ekstremisckich materyjałaŭ». Naprykancy 2023-ha jaje ŭklučyli ŭ skład «ekstremisckaha farmavańnia». Takim pryznali fejsbuk-supołku «Listy salidarnaści Biełaruś 2020», u jakoj ludzi abmieńvalisia listami ad palitviaźniaŭ, a taksama abmiarkoŭvali dapamohu źniavolenym.
Sud nad Irynaj pačynajecca 26 červienia ŭ Bresckim abłasnym sudzie. Jaje abvinavačvajuć pa dźviuch častkach artykuła «sadziejničańnie ekstremisckaj dziejnaści». Irynie pahražaje da siami hadoŭ kałonii.
Sudzić jaje budzie Andrej Siz. Jon raniej byŭ staršynioj Lubanskaha rajonnaha suda, prysudziŭ niekalkim ludziam štrafy ŭ 2020-m za «niezakonnaje pikietavańnie».
Rehularna jon pracuje pa palityčnych sudach tolki ź siaredziny 2023-ha, kali jaho pieraviali ŭ Brescki abłasny sud. Naprykład, prysudziŭ siem hadoŭ kałonii Siarhieju Jeŭdakimienku pa spravie ČKB i dva z pałovaj hoda ŭkraincy Kaciarynie Bruchanavaj za pieradaču videa z vajskovaj technikaj u čat-bot vydańnia «Lusterka».
«Naša Niva» — bastyjon biełaruščyny
PADTRYMAĆChutka pieršy sud pa spravie dapamohi palitviaźniam. Žančynie pahražaje da siami hadoŭ turmy za dapamohu inšym
Zatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami
Kaho sadziać za danaty, a kamu dazvalajuć adkupicca. Voś jakaja łohika
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary