Chutka pieršy sud pa spravie dapamohi palitviaźniam. Žančynie pahražaje da siami hadoŭ turmy za dapamohu inšym
Alenu Dziemiančuk zatrymali 23 studzienia i źmiaścili ŭ SIZA.
Alenie Dziemiančuk 50 hadoŭ, jana z Bresta. Miarkujučy pa sacsietkach, žančyna skončyła histfak Bresckaha dziaržaŭnaha ŭniviersiteta. Dzie jana pracavała — nieviadoma. Jaje były muž — brescki paet i eseist Uładzimir Hłazaŭ.
Alena — maci byłoj palitźniavolenaj Maryny Hłazavaj. Maryna praviała ŭ SIZA kala dvuch miesiacaŭ pa bresckaj «karahodnaj» spravie, a paśla joj prysudzili chatniuju chimiju. Całkam adbyła pakarańnie ŭ krasaviku 2022-ha. Ciapier žyvie ŭ Varšavie.
Alenu Dziemiančuk zatrymali 23 studzienia 2024 hoda padčas abłavy na salidarnych z palitviaźniami. Nieŭzabavie jaje źmiaścili ŭ SIZA-7 u Breście. Za kraty tady trapili jašče dziasiatki ludziej, jakija dapamahali palitviaźniam.
Sud nad Alenaj pačniecca 24 červienia ab 11-j ranicy ŭ Bresckim abłasnym sudzie. Jaje abvinavačvajuć u «sadziejničańni ekstremisckaj dziejnaści hrupaj asobaŭ abo pa papiaredniaj zmovie» (č. 2 art. 361-4 KK). Žančynie pahražaje ad dvuch da piaci hadoŭ abmiežavańnia voli abo ad troch da siami hadoŭ kałonii.
«Naša Niva» — bastyjon biełaruščyny
PADTRYMAĆ
Kamientary
U hetym vypadku pasadzili spačatku dačku a zaraz maci