Prava hołasu ŭ vajennym kabiniecie było tolki ŭ troch čałaviek: Nietańjachu, Hanca i ministra abarony Joava Hałanta.
Nadzvyčajny vajenny ŭrad Izraila, sklikany na čas vajny z paleścinskaj hrupoŭkaj CHAMAS, spyniaje isnavańnie, abviaściŭ premjer Bińjamin Nietańjachu, piša Times of Israel.
«Kabiniet byŭ u kaalicyjnym pahadnieńni z [deputatam Knesieta ad «Nacyjanalnaha adzinstva» Bieni] Hancam pa jaho prośbie. Jak tolki Hanc syšoŭ — u kabiniecie bolš niama nieabchodnaści», — rastłumačyŭ Nietańjachu.
Jon abviaściŭ ministram, što prymaŭ rašeńni, jakija nie zaŭsiody byli padtrymany vajennym kamandavańniem, adnak «u nas kraina z armijaj, a nie armija z krainaj».
Prava hołasu ŭ vajennym kabiniecie było tolki ŭ troch čałaviek: Nietańjachu, Hanca i ministra abarony Joava Hałanta. Były načalnik hienštaba Armii abarony Izraila (CACHAŁ) Hadzi Ajzienkot i ministr pa stratehičnych pytańniach Ron Diermier stali naziralnikami.
Kabiniet byŭ častkaj pahadnieńnia pamiž Nietańjachu i Hancam, jakija damovilisia, što taktyčnaje kiravańnie vajnoj dla apieratyŭnaści budzie adbyvacca mienavita ŭ hetym składzie, a nie ŭ pašyranym Kabiniecie ministraŭ, dzie zasiadajuć kala 50 čałaviek.
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2
Kamientary