U Oršy pradajuć Skoda Octavia z rekordnym prabieham 900 tysiač kiłamietraŭ
Heta jak da Miesiaca i nazad.
U Oršy pradajecca Skoda Octavia z prabieham 900 tys. km. U mašynie šmat čaho pamianiali, ale jana ŭsio jašče jeździć štodnia jak taksi. Žurnalist Tochka.by patelefanavaŭ pradaŭcu.
Skoda Octavia pakaleńnia A7 — 2014 hoda vypusku. Na miechaničnaj karobcy pieradač. Pad kapotam starajecca 1,6-litrovy ruchavik na 110 konskich sił.
Siaredni raschod bienzinu — 6,4 ł na 100 km. Ale hetaja Skoda jeździć na mietanie — puchły bałon zajmaje pałovu prastornaha bahažnika liftbeka.
U abjavie ŭkazany prabieh 843 tysiač kiłamietraŭ. Pradaviec nie staŭ jaho skručvać. Praŭda, aktualnaja ličba ŭžo padabrałasia da 900 tys. km.
«Kožny dzień namotvaju pa 300-500 km», — raspavioŭ haspadar aŭtamabila Siarhiej, jon aktyŭna taksuje.
Pa fota bačna, što mašyna pajeździła. Choć surjoznych bačnych paškodžańniaŭ pa kuzavie niama. Chiba što pajšła irža pa parohach.
«Pamianiaŭ ruchavik — pačała cisnuć aliva. Sčapleńnie pamianiaŭ. Pierabiraju padviesku kožnyja 40 tys. km. skrynka rodnaja», — Siarhiej kłapocicca pra mašynu.
Ceńnik — 8 300 dalaraŭ. Mahčymy torh.
«Mašyna ŭ prodažy staić paru tydniaŭ, ale pakul nichto, akramia vas, mnie nie telefanavaŭ», — zajaviŭ haspadar Skoda.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary
> pamianiaŭ ruchavik