Azaraŭ — pra aktyvista Hleba Sandrasa: «Nie prajšoŭ palihraf na supracu z režymam»
Paśla skandalnaha vyletu z vybaraŭ u Kaardynacyjnuju radu Alaksandr Azaraŭ pryjšoŭ na strym da «Jeŭraradyjo». Tam były siłavik abvinavaciŭ aktyvista Hleba Sandrasa, jaki jaho krytykavaŭ, u suviaziach z łukašenkaŭcami.
Niekalki dzion tamu hrymnuŭ skandał vakoł Alaksandra Azarava: były siłavik vykarystaŭ čat-bot płana «Pieramoha» dla zakliku hałasavać za jaho i jaho kamandu na vybarach u Kaardynacyjnuju radu. Paśla hetaha i Azaraŭ, i ŭvieś jaho śpis byli vyklučanyja z udziełu ŭ vybarach.
Pra hetuju historyju publična vykazaŭsia aktyvist i błohier Hleb Sandras, jaki taksama atrymaŭ paviedamleńnie z zaklikam hałasavać za Azarava:
«Ujaŭlaju sabie ślesara na MAZie — maŭlaŭ, jedu ja ranicaj na źmienu ŭ hramadskim transparcie i tut mnie i ŭmoŭna pałovie tralejbusa pačynaje heta ŭsio prychodzić. Što mnie zastajecca rabić? Skidvać telefon da zavodskich naładak? Vykidvacca ŭ akno tralejbusa? Čym dumali ludzi, jakija rassyłali heta ŭsio, mo kankretna Azaraŭ, ja ŭjavić nie mahu».
U adkaz na heta Azaraŭ abvinavaciŭ apanienta ŭ supracy z režymam Łukašenki. Maŭlaŭ, dva hady tamu Sandras, aktyvist «Rabočaha Ruchu», musiŭ prajści praz palihraf. Ale, kaža Azaraŭ, usio pajšło nie pa płanie:
«Jon palihraf nie prajšoŭ, u jaho zapalilisia čyrvonyja kropački — supracoŭnictva z režymam Łukašenki. Pra heta «Rabočy Ruch» viedaje. Ciapier ja razumieju, čamu Hleb Sandras pajšoŭ publična na hetaje intervju — kab dyskredytavać nas, maŭlaŭ, my stvaryli prablemu. Treba prosta vučycca pravilna vydalać bot, ličbavaja biaśpieka. Kali jon nie ŭmieje, ja ž jaho nie navuču».
Sam Hleb Sandras admoviŭsia prakamientavać «Našaj Nivie» abvinavačvańni Azarava.
«Naša Niva» — bastyjon biełaruščyny
PADTRYMAĆ
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary