Praciah takoj situacyi zmusić Nacbank čarhovy raz devalvavać biełaruski rubiel.
Jak i hod tamu, na Biełaruskaj valutna-fondavaj biržy popyt na valutu stabilna pieravyšaje jaje prapanovu.
Popyt \ prapanova, młn USD
26 studzienia: popyt 37,0 prapanova 5,1
25 studzienia: popyt 48,1 prapanova 8,5
22 studzienia: popyt 31,9 prapanova 32,3
21 studzienia: popyt 29,0 prapanova 7,2
20 studzienia: popyt 22,1 prapanova 5,3
19 studzienia: popyt 47,6 prapanova 10,6
15 studzienia: popyt 25,6 prapanova 4,1
Hety vierny znak, što ekspartnyja pastupleńni ŭ Biełaruś zastajucca na nizkim uzroŭni. Praciah takoj situacyi zmusić Nacbank čarhovy raz devalvavać biełaruski rubiel.
U kancy minułaha hoda Łukašenka zajaŭlaŭ, što ŭ 2010-m novych kredytaŭ MVF nie spatrebicca. Vyhladaje, adnak, što tolki novyja zapazyčvańni mohuć kampiensavać deficyt biahučaha rachunku Biełarusi. Tym bolš što dadatkovy ŭdar pa čakańniach naniesła žadańnie Rasii skaracić prychavanyja naftavyja datacyi biełaruskaha režymu.
26 studzienia dalar paŭtaryŭ rekord, ustanoŭleny ŭ lipieni minułaha hoda. Kurs, abjaŭleny, Nacyjanalnym bankam na zaŭtra, składaje 2882 rubla. Što da prodažu valuty ŭ abmieńnikach, to tam amierykanskija hrošy pierajšli miažu ŭ 2900 rubloŭ.
Kamientary