Ahurbaš pačynaje hastroli pa Rasii, choć znachodzicca ŭ biełaruskim vyšuku. Prapahandysty ŭ šalenstvie
Śpiavačku abaraniaje rasijski pašpart.
Śpiavačka Anžalika Ahurbaš vyrašyła zładzić hastrolny tur pa Rasii i bližejšych krainach. Pra płany jana zajaviła na pres-kanfierencyi ŭ Maskvie.
Namiery śpiavački vyklikali šalenstva ŭ kalabiełaruskich prapahandystaŭ. Kanstancin Prydybajła abrynuŭsia na jaje z abrazami:
«Dla tych, chto zabyŭsia vypić tabletku dla pamiaci, nahadaju, što Ahurbaš u 2020 hodzie dziela zvańnia «Prymadonny novaj Biełarusi» padtrymała sprobu dziaržaŭnaha pieravarotu ŭ krainie … Jana naŭprost vykazvałasia suprać palityki Rasii ŭ toj situacyi, kali padtrymali Biełaruś. Jana asudžaje SVA. Jana vorah Sajuznaj dziaržavy. Śpiavačka nie tolki nie paniesła nijakaha pakarańnia, tak jašče płanuje «prezientacyi i premjery» i z kancertnym turam pa Rasii sabrałasia. Što rabić budziem? Ab jakoj adzinaj prastory možna kazać, kali pačvary takija pačynajuć nachabničać, navat nie pačyściŭšy sacsietki?»
Na Ahurbaš u Biełarusi nasamreč zaviali niekalki palityčnych kryminalnych spraŭ — za nibyta raspalvańnie varožaści i za abrazu Łukašenki.
Adnak dastać śpiavačku z Rasii — ciažkaja zadača. U Anžaliki Ahurbaš nie tolki biełaruskaje, ale i rasijskaje hramadzianstva.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary
Ale ja voś nia ciamlu, chto moža na jaje kancerty chadzić, kaniešnie pra husty nie spračacca, ale nie ŭkładajecca ŭ hałavu