Aktrysa Dženifier Enistan napiša miemuary, dzie raskaža praŭdu pra adnosiny z Bredam Pitam
Doŭhi čas halivudskaja aktrysa Dženifier Enistan nie płanavała dzialicca historyjaj svajho žyćcia. Ale na fonie čutak pra toje, čamu nasamreč raspaŭsia jaje šlub z Bredam Pitam, kolki płastyčnych apieracyj jana pieraniesła i čamu da hetaha času nie zaviała siamju, jana hatova ŭsio raskazać u miemuarach, piša tabłoid In Touch Weekly.
«Heta sakrety, pra jakija jana nikoli nie raspaviadała», — kaža krynica tabłoida.
«Džen viedaje, što ludzi chočuć pačuć usio pra jaje raman z Bredam [Pitam] i praŭdu pra ich razvod, asabliva paśla taho, jak Bred i Andžalina rasstalisia, a Džen i Bred znoŭ sustrelisia»,
— kaža krynica pra paru, jakaja ažaniłasia ŭ 2000 hodzie i abviaściła ab svaim rasstavańni ŭ 2005 hodzie, niezadoŭha da ramana Breda z Andžalinaj.
U toj čas Džen pryznavałasia, što chutkaje adnaŭleńnie adnosin «šakavała» jaje nie mienš, čym uvieś astatni śviet. «Ja była b robatam, kali b skazała, što nie adčuvaju prystupaŭ hnievu, kryŭdy abo źbiantežanaści», — kazała jana.
Paźniej jana dzialiłasia, što ni pra što nie škaduje. «Heta byli vydatnyja, składanyja adnosiny».
U 2020 hodzie siabroŭskaja sustreča Enistan i Pita na cyrymonii ŭručeńnia premii SAG Awards trapiła ŭ zahałoŭki haziet. «Bred i ja — pryjacieli», — patłumačyła jana.
Jak jany dajšli da hetaha? «Džen prajšła kurs psichaterapii, kab prymirycca sa svaim niaŭdałym šlubam z Bredam i inšymi niaŭdałymi ramanami», — kaža krynica.
Džen skazała, što jaje adčajnaja sproba stać maci — adna z pryčyn, pa jakoj jana choča napisać knihu. «Ja stolki hadoŭ abaraniała svaju historyju pra EKA, tamu što mnie tak mała što ŭdavałasia zachavać u tajamnicy». Jana nastojvaje, što jaje šlub z Bredam raspaŭsia nie z-za taho, što jana nie mahła naradzić dzicia, i ŭdakładniaje, što jaje šlach da EKA pačaŭsia paśla ich razvodu.
Krynica tabłoida kaža, što ŭ miemuarach Enistan napiša taksama «ab płastyčnaj chirurhii i svaim šlachu da pryniaćcia siabie».
Što jašče budzie ŭ miemuarach? «Vidavočna, što jana napiša pra imklivy rost papularnaści ŭ «Siabrach» i pra toje, jak za hetyja hady joj udałosia niekalki razoŭ pasvarycca ź inšymi znakamitaściami», — piša tabłoid.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
Mojo lično mnienije - eti miemuary nie stojat łomannoho hroša. Ni kohda "vsio chorošo ON był orioł", ni kohda "ON był domašnim tiranom". Nie stoit eto i łomannoho hroša.