Padborka kamiedyj pad roznyja husty, jakija vy raniej mahli abminuć uvahaj
Kamiedyja — adzin z niamnohich žanraŭ, jaki byŭ i zastajecca samym papularnym siarod hledačoŭ. I ŭsio tamu, što ŭ žyćci kožnaha z nas nie chapaje pazityŭnych i śmiešnych momantaŭ, jakija zmahli b adciahnuć uvahu ad štodzionnaj ruciny. Na dapamohu ŭ hetaj spravie prychodziać filmy. «Naša Niva» sabrała dla vas kamiedyi z dobrym rejtynham, jakija zrobiać vaš viečar pryjemnym.
«Zabojstva na jachcie» (ZŠA, 2019)
U rolach: Adam Sendler, Dženifier Enistan, Luk Evans i inšyja.
U doŭhačakanym padarožžy pa Jeŭropie palicejski ź Ńju-Jorka i jaho žonka-cyrulnik łamajuć hałavu nad zahadkavym zabojstvam, jakoje adbyłosia na jachcie miljardera.
«Drakułaŭ» (Rasija, 2021)
U rolach: Michaił Hałuścian, Dzianis Vasiljeŭ, Taćciana Babiankova i inšyja.
Rasijskaja impieryja. Juryst Piotr Śmirnoŭ pryjazdžaje ŭ zmročny majontak zahadkavaha hrafa Drakułava, čyje prodki rodam z dalokaj Transilvanii, kab aformić kuplu doma ŭ Maskvie.
Hraf zaŭvažaje fotakartku niaviesty Piatra, junaj Vary, i nieadkładna zryvajecca prainśpiektavać svaju novuju nieruchomaść. Piotr zaniepakojeny, ale jaho pilnaść usyplajuć słužki hrafa.
Praŭda, nieŭzabavie Śmirnoŭ vyjaŭlaje, što dziaŭčaty — vaŭkałaki, a heta značyć, što i ich haspadar, hraf Drakułaŭ, — niebiaśpiečny kryvapiŭca!
Piotr źbiahaje z demaničnaj siadziby i śpiašajecca ŭ Maskvu, kab abaranić svaju niaviestu ad trochsothadovaha vampira.
«Amierykanski ahuročak» (ZŠA, 2020)
U rolach: Set Rohien, Sara Snuk, Majia Erskin, Jorma Takkone, Šon Uejlen, Džaena Adler i inšyja.
U centry historyi apyniecca Hieršel Hrynbaum, jaki ŭ 1919 hodzie pierajazdžaje ŭ Amieryku i maryć pra lepšuju budučyniu dla svajoj siamji. Adnojčy, uładkavaŭšysia pracavać na fabryku, Hrynbaum padaje ŭ čan z kansiervavanymi ahurkami, dzie pravodzić nastupnyja sto hadoŭ.
Užo ŭ sučasnym Bruklinie Hieršel adpraŭlajecca na pošuki svajakoŭ. Ale nieŭzabavie mužčyna z tryvohaj vyśviatlaje, što adziny z žyvych rodnych — jaho praŭnuk Ben, jaki pracuje prahramistam. Hryšel jaho navat zrazumieć nie moža narmalna…
«Šałom, papik!» (ZŠA, 2020)
U rolach: Džeki Chofman, Moli Hordan, Deni Defierary i inšyja.
Dziorzkaja studentka Daniel akazvajecca ŭ ekstremalna niajomkaj situacyi, kali na jaŭrejskija paminki, dzie jana znachodzicca z baćkami i siabrami siamji, zajaŭlajecca jaje žanaty papik.
Kab zachavać svaje tajamnicy, Daniel daviadziecca vykručvacca z usich sił, bałansujučy na miažy varjactva i paniki. Adnak akazvajecca, što i jaje bolš darosłamu paluboŭniku jość, što chavać. Hetyja chaŭtury jany zapomniać nadoŭha.
«Knižny kłub» (ZŠA, 2018)
U rolach: Dajan Kitan, Džejn Fonda, Kendzis Bierhien, Mery Stynbierhien i inšyja.
Hetaja stužka raskazvaje historyju čatyroch žančyn, jakija adroźnivajucca adna ad adnoj siamiejnym stanoviščam, prafiesijaj i miescam u hramadstvie, ale mocna siabrujuć užo bolš za 30 hadoŭ.
Šmat u čym im udałosia tak abjadnacca dziakujučy štomiesiačnym sustrečam «knižnaha kłuba», jaki jany sami arhanizavali. Kožny raz siabroŭki sustrakajucca za abmierkavańniem novaha litaraturnaha tvora, adnačasna raskazvajučy ab svaim asabistym žyćci. Adnojčy ŭ ich ruki patrapić skandalny bestseler «50 adcieńniaŭ šeraha», i niečakana hetaje čytvo stanie padmohaj surjoznych źmien dla kožnaj ź ich.
Čytajcie jašče:
Film tydnia: «Paralelnyja maci». Novaja stužka Almadovara, jakoj 9 chvilin apładziravali u Vieniecyi
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary