Maładziečaniec Maksim chacieŭ dapamahčy Ukrainie. Jon napisaŭ u adzin z fejkavych botaŭ — i jaho zatrymaŭ HUBAZiK
Raspaviadajem, što adbyłosia z maładziečancam Maksimam Burakoŭskim i jak nie natrapić na fejkavyja boty.
Pa našych źviestkach, zatrymany — Maksim Burakoŭski. Chłopiec z Maładziečna i jamu 27 hadoŭ. Miarkujučy pa sacsietkach, jon vučyŭsia ŭ BDPU, a paśla pracavaŭ pa rabočaj śpiecyjalnaści.
Hubazikaŭcy pakazvajuć u videa šerah botaŭ, u jakija pisaŭ Maksim. Siarod inšaha tam byli boty, šyroka nie viadomyja hramadskaści. Chłopiec kaža, što «dumaŭ pra toje, kab pajechać vajavać va Ukrainu, a boty šukaŭ pa spasyłkach, jakija ludzi kidali ŭ niejki čat».
Prynamsi častka botaŭ, u jakija pisaŭ Maksim, byli fejkavymi.
Chtości praviaraŭ telefonny numar Maksima praz bot «Voka boha», jakim karystajucca hubazikaŭcy, jašče ŭ listapadzie 2023 hoda — takim čynam, za Maksimam daŭno sačyli.
Dla zatrymańnia Maksima Burakoŭskaha siłaviki zadziejničali dron i niekalki supracoŭnikaŭ śpiecpadraździaleńniaŭ. Jamu pahražaje kryminalnaja sprava za «namier vajavać va Ukrainie».
Nahadajem, šerah biełarusaŭ pisali ŭ fejkavyja boty roznych biełaruskich inicyjatyvaŭ i byli zatrymanyja. My nastojliva raim pierapraviarać na staronkach miedyja nazvy botaŭ i kantaktnych akaŭntaŭ, jakija vy bačycie ŭ internecie.
Taksama zaŭždy pierapraviarajcie tych, chto piša vam ad imia biełaruskich miedyja i inicyjatyvaŭ u sacsietki, telehram ci inšyja miesiendžary. Zrabić heta možna pa kantaktach, jakija jość na sajtach abo ŭ aficyjnych supołkach.
Nie pišycie ničoha impulsiŭna i nie pieradavajcie bolš vašych źviestak, čym treba dla metaŭ kamunikacyi. Budźcie pilnyja i ŭ asabistych kantaktach.
«Naša Niva» — bastyjon biełaruščyny
PADTRYMAĆCiapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary