«Dačka» chołdynha «Atłant-M» vypuściła tokienaŭ na miljon dalaraŭ
Raniej rejtynhavaje ahienctva prysvoiła emitentu vysoki rejtynh biznes-reputacyi — na ŭzroŭni AA.
Brokierski dom «Atłant-M», jaki ŭvachodzić u chołdynh bujnoha aŭtamabilnaha dylera, vypuściŭ tokieny na $1 młn z prybytkovaściu 6% hadavych u valucie. Raniej rejtynhavaje ahienctva BIK Ratings prysvoiła emitentu vysoki rejtynh biznes-reputacyi — na ŭzroŭni AA, paviedamlaje Finstore.
Na dolu chołdynhu «Atłant-M» u Biełarusi prypadaje kala 25% prodažaŭ novych aŭtamabilaŭ. U partfieli kampanii — 17 aŭtabrendaŭ. Jana vałodaje aŭtacentrami i servisnymi stancyjami ahulnaj płoščaj bolš za 39 tys. kv. m.
Aktyvy emitenta, pa danych Finstore, na 31 śniežnia 2023 hoda składali 85,3 młn rubloŭ, ułasny kapitał — 55,2 młn, vyručka da vypłaty padatkaŭ pa vynikach minułaha hoda — 17,4 młn, čysty prybytak — 2,9 młn rubloŭ.
Paviedamlajecca, što inviestycyi płanujecca nakiravać na refinansavańnie bankaŭskich kredytaŭ, kab zrabić tańniejšym vykarystoŭvany pazykovych kapitał. Vypusk tokienaŭ raźličany na try hady z štomiesiačnaj vypłataj pracentaŭ i afiertaj 15% u paŭhodździe.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary