Unačy zhareŭ mytny anhar u punkcie propusku «Miedniki» na litoŭska-biełaruskaj miažy
Padčas pravierki aŭtamabila ŭ anhary mytni toj raptam zahareŭsia i ŭźnik pažar, piša 15min.lt.
Jak paviedamili va ŭpraŭleńni palicyi, kala 02:40 nočy ŭ pamiežnym punkcie Miedniki (Miadzininkaj) (ź biełaruskaha boku — «Kamienny Łoh»), u anhary vilenskaj terytaryjalnaj mytni, praviarali Porsche Cayenne.
U chodzie pravierki raptam uźnik pažar, padčas jakoha zahareŭsia aŭtamabil, a taksama anhar aŭtatechahladu i administracyjnaja častka budynka. U vyniku incydentu nichto nie paciarpieŭ. Straty padličvajucca. Čynoŭniki rasśledujuć źniščeńnie abo paškodžańnie majomaści pa nieaściarožnaści i vyśviatlajuć pryčynu pažaru.
Da tušeńnia pažaru byli pryciahnutyja vosiem aŭtacysternaŭ, dźvie aŭtaleśvicy i štabny aŭtamabil.
«Padčas nadhladu aŭtamabila ŭ anhary Vilenskaj terytaryjalnaj mytni ŭźnik pažar, zhareŭ aŭtamabil, zhareŭ nadhlany anhar i častka administracyjnaha budynka», — paviedamiŭ pradstaŭnik mytni Vitaŭtas Ražanskas.
Jak paviedamili ŭ Departamiencie pažarnaj achovy i vyratavańnia Litvy, pažar byŭ likvidavany kala 7:00 ranicy.
Litoŭski bok časova nie prapuskaje transpart.
Akramia punktu propusku «Miedniki» («Miadzininkaj») — «Kamienny Łoh», na litoŭskaj miažy pracuje tolki adzin KPP «Šalčyninkaj» — «Bieniakoni».
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary