Da hetaha Bajden zapatrabavaŭ ad Nietańjachu abaranić žycharoŭ siektara
Ułady Izraila ŭchvalili adkryćcio dvuch novych humanitarnych kalidoraŭ dla dastaŭki dapamohi ŭ siektar Haza. Heta rašeńnie było pryniata paśla taho, jak prezident ZŠA Džo Bajden pravioŭ telefonnuju razmovu ź izrailskim premjer-ministram Bińjaminam Nietańjachu i zapatrabavaŭ ad jaho pryniać miery dla abarony mirnych žycharoŭ paleścinskaha ankłava, piša Bi-bi-si.
Upieršyniu z pačatku vajny Izraila suprać CHAMAS u siektary Haza budzie časova adkryty pierachod Erez, raźmieščany ŭ paŭnočnaj častcy siektara.
Akramia taho, Izrail budzie prapuskać bolš humanitarnych hruzaŭ ź Iardanii praz prapuskny punkt Kierem-Šałom. Dapamoha dla Hazy taksama pačnie pastupać u izrailski port u Ašdodzie.
Rada nacyjanalnaj biaśpieki ZŠA zajaviła, što vitaje hetyja rašeńni izrailskaha ŭrada, i adznačyŭ, što jany pavinny być realizavany «chutka i ŭ poŭnaj miery».
U čaćvier viečaram Bajden i Nietańjachu na praciahu paŭhadziny havaryli pa telefonie, i, miarkujučy pa zajavach Biełaha doma, hetaja razmova była niezvyčajna žorstkaj.
Lidary praviali pieramovy ŭpieršyniu paśla taho, jak u vyniku izrailskaha pavietranaha ŭdaru ŭ Hazie byli zabityja siem zachodnich vałancioraŭ, jakija pracavali ŭ dabračynnaj arhanizacyi World Central Kitchen (WCK). Nietańjachu zajaviŭ, što vajskoŭcy nanieśli «Nienaŭmysny ŭdar» pa «niavinnych ludziach», i paabiacaŭ zrabić usio, kab padobnaje nie paŭtaryłasia.
Jak paviedamiła administracyja prezidenta ZŠA, U razmovie ź izrailskim premjeram Bajden «padkreśliŭ, što ŭdary pa supracoŭnikach humanitarnych arhanizacyj i ahulnaja humanitarnaja situacyja źjaŭlajucca nieprymalnymi».
«Jon vyrazna zajaviŭ pra toje, što Izrail abaviazany abviaścić i realizavać niekalki kankretnych, peŭnych krokaŭ z adčuvalnym vynikam, kab vyrašyć prablemu škody hramadzianskamu nasielnictvu, pakut ludziej i biaśpieki humanitarnych supracoŭnikaŭ», — było skazana ŭ paviedamleńni Biełaha doma.
Amierykanskaja palityka ŭ dačynieńni da Izraila budzie zaležać ad krokaŭ, jakija Izrail raspačnie dla abarony mirnych hramadzian i rabotnikaŭ humanitarnych arhanizacyj, taksama adznačyŭ Bieły dom.
U liku inšaha Bajden zajaviŭ Nietańjachu, što Izrail pavinien adkryć humanitarnyja kalidory ŭ Hazie.
Faktyčna jon pradjaviŭ izrailskamu kiraŭnictvu ŭltymatum: albo izrailskija ŭłady raspačnuć kankretnyja kroki dla palahčeńnia stanovišča mirnych žycharoŭ siektara i zabiaśpiečać biaśpiečnuju pracu humanitarnych arhanizacyj, albo palityka Vašynhtona ŭ dačynieńni da Hazy źmienicca, adznačajuć našy karespandenty.
Takim čynam ZŠA ŭpieršyniu dali zrazumieć, što ad dziejańniaŭ uładaŭ Izraila ŭ Hazie prama zaležyć vyłučeńnie im amierykanskaj dapamohi.
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!8
Kamientary