Piaskoŭ zajaviŭ, što RF nie pacierpić pa susiedstvie krainu z «ahresiŭnymi pamknieńniami»
«Ci možna zajmacca vyrašeńniem ukrainskaj prablemy biez udziełu Rasii? Adkaz adnaznačny — nielha», — miarkuje pres-sakratar Pucina.
Rasija nie źmirycca ź isnavańniem la jaje miežaŭ dziaržavy, hatovaj lubymi mietadami, u tym liku siłavymi, zabrać Krym i novyja rehijony, zajaviŭ pres-sakratar prezidenta RF Dźmitryj Piaskoŭ.
«Jany, naprykład, chočuć siłaj zabrać naš Krym.
Jak my možam dapuścić isnavańnie na našych miežach dziaržavy, u jakoj zadakumientavany namier vykarystoŭvać lubyja mietady, kab adabrać u nas Krym? Pra novyja rehijony ja navat nie kažu», — skazaŭ jon u intervju partału aif.ru, piša «Interfaks».
«Dla nas važna spynić praces naniasieńnia škody našaj biaśpiecy, vyklučyć mahčymaść isnavańnia ŭ susiednim «pakoi» jeŭrapiejskaj, la našych miežaŭ dziaržavy, jakaja maje ŭ adnosinach da nas ahresiŭnyja pamknieńni, dziaržavy z nacyjanalistyčnaj načyńniem, dzie nacyjanalisty pranikli va ŭładu», — zaŭvažyŭ Piaskoŭ.
Havoračy ab płanach Kijeva pravieści «samit miru», na jakim by abmiarkoŭvałasia «formuła Zialenskaha» va ŭrehulavańni kanfliktu, pradstaŭnik Kramla zaŭvažyŭ, što vielmi šmat krain chočuć unieści ŭkład u mirnaje ŭrehulavańnie situacyi vakoł Ukrainy i hatovyja dałučycca da roznych farmataŭ.
«Heta my taksama razumiejem i vitajem taki nastroj. Ale ci možna zajmacca vyrašeńniem ukrainskaj prablemy biez udziełu Rasii? Adkaz adnaznačny — nielha», — zajaviŭ jon u suviazi z hetym.
Ź jahonych słoŭ, takoje abmierkavańnie biez udziełu Rasii «absurdnaje i bieśpierśpiektyŭnaje».
Piaskoŭ taksama zajaviŭ, što «Ukraina pieratvaryłasia ŭ instrumient u rukach kalektyŭnaha Zachadu, z dapamohaj jakoha jany majuć namier, jak im zdajecca, dacisnuć Rasiju, strymać Rasiju, pakinuć jaje na zadvorkach raźvićcia va ŭsich sensach, a kali atrymajecca, to i dabić jaje».
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3131
Kamientary