Pinčuka asudzili na 2 hady kałonii ahulnaha režymu za videazapis palotaŭ vajskovych samalotaŭ. Jon byŭ zrobleny 27 lutaha 2022 hoda nieŭzabavie paśla pačatku poŭnamaštabnaha ŭvarvańnia RF va Ukrainu.
Mužčynu inkryminavałasia sadziejničańnie «ekstremisckaj dziejnaści». Abvinavačvańnie jamu pradjavili pa č. 1 art. 361-4.
Jak paviedamlaje prakuratura, pa materyjałach spravy, mužčyna pieradaŭ «ekstremisckamu farmiravańniu paviedamleńnie i videafajł, na jakim zafiksavaŭ paloty vajskovych samalotaŭ». Pra jakoje mienavita farmavańnie idzie havorka, nie ŭdakładniajecca.
Sud pryznaŭ mužčynu vinavatym i pryznačyŭ jamu pakarańnie ŭ vyhladzie pazbaŭleńnia voli na termin 2 hady z adbyvańniem u papraŭčaj kałonii va ŭmovach ahulnaha režymu. Taksama ŭ jaho kanfiskavany mabilny telefon.
Sudovaje pasiadžeńnie prajšło ŭ vyjaznym farmacie ŭ SIZA
Prysud jašče nie ŭstupiŭ u zakonnuju siłu. Jon moža być abskardžany i apratestavany, piša reform.by.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary