Zabojstva 27-hadovaj ukrainskaj biežanki ŭ Hiermanii: žudasny praciah historyi
Na dambie raki Rejn kala horada Chokienchajm 7 sakavika palicyja znajšła cieła 27-hadovaj ukrainki, jakaja žyła ŭ domie dla biežancaŭ. Jaje śmierć była hvałtoŭnaj, a novanarodžanaja dačka i maci žančyny prapali. Ciapier stali viadomyja detali hetaj historyi.
Palicyja zatrymała dvuch padazravanych u zabojstvie — 44-hadovaha mužčynu i jaho 43-hadovuju žonku. Jon niemiec, jana rodam z Rasii. Niemaŭla było ŭ ich, piša Bild.
Vyhladaje, što jany staranna płanavali zabojstva ŭkrainki (jaje zvali Marharytaj R.).
U apošnija miesiacy para kazała susiedziam i kaleham pa pracy, što čakajuć naradžeńnia dački. Mužčyna pracavaŭ u miasnoj kramie i niekalki dzion tamu z honaram paviedamiŭ ab svaim novanarodžanym dziciaci. Zatym jon zajaviŭ kaleham, što niemaŭla ŭsio jašče znachodzicca ŭ adździaleńni intensiŭnaj terapii.
«U pary troje synoŭ, mužčyna jašče ŭ śniežni skazaŭ mnie, što ŭ studzieni ŭ ich narodzicca dziaŭčynka. Jon z honaram pakazvaŭ mnie ružovuju dziciačuju šapačku dla dziciaci. Ja jašče ździviŭsia, tamu što jaho žonka zusim nie vyhladała ciažarnaj, — zhadvaje adzin z susiedziaŭ.
— Ale ja nikoli nie čakaŭ takoha złačynstva. Para zaŭsiody była vielmi vietlivaj i rabiła pryjemnaje ŭražańnie».
Maci zabitaj 27-hadovaj Marharyty dahetul nie znajšli.
Kamientary
moža ŭsio jašče horš…