Palityk, jakuju raniej nazyvali «siabroŭkaj Pucina», žorstka raskrytykavała Rasiju za vajnu
«Ukrainskaj nacyi, jakaja padvierhłasia ahresii, my abaviazanyja našaj pavahaj i padtrymkaj… Heta dziakujučy hieraičnamu supracivu ŭkrainskaha naroda Rasija paciarpieła parazu», — zajaviła Maryn Lo Pen.
Byłaja lidarka francuzskaha pravapapulisckaha «Nacyjanalnaha abjadnańnia» Maryn Lo Pen, jakaja mieła daŭniuju reputacyju «siabroŭki Pucina», niečakana žorstka raskrytykavała Rasiju za vajnu padčas debataŭ u parłamiencie ŭ padtrymcy Ukrainy, piša «Jeŭrapiejskaja praŭda».
Z trybuny Nacyjanalnaj asamblei Lo Pen kanstatavała, što poŭnamaštabnym napadam na Ukrainu 24 lutaha Rasija «raźviazała vajnu na parozie ES i samy dramatyčny hieapalityčny kryzis za apošnija 20 hadoŭ», i nahadała pra tysiačy zahinułych i paciarpiełych, miljony ludziej, jakim daviałosia biehčy sa svaich haradoŭ i viosak.
«Ukrainskaj nacyi, jakaja padvierhłasia ahresii, my abaviazanyja našaj pavahaj i padtrymkaj… Heta dziakujučy hieraičnamu supracivu ŭkrainskaha naroda Rasija paciarpieła parazu», — zajaviła Maryn Lo Pen.
Jana adznačyła, što Francyja akazvaje Ukrainie padtrymku i ŭ vyhladzie prytułku dla ŭkraincaŭ, jakija z-za vajny źjechali za miažu, i ŭ vyhladzie materyjalnaj dapamohi, u tym liku zbrojaj, i Francyja «nie pavinna čyrvanieć» z nahody akazanaj padtrymki.
Adnačasova Lo Pen raskrytykavała słovy prezidenta Emaniuela Makrona pra toje, što jon nie vyklučaje patencyjnaj prysutnaści vojskaŭ zachodnich sajuźnikaŭ na terytoryi Ukrainy ŭ budučyni.
«Vyklikaŭšy hetym chvalu piarečańniaŭ mnohich stalic adnosna adpraŭki vojskaŭ, Makron u vyniku, na žal, dadaŭ upeŭnienaści Uładzimiru Pucinu», — zajaviła Maryn Lo Pen, dadaŭšy, što «lepšaja stratehičnaja dvuchsensoŭnaść — heta cišynia».
Taksama jana abvinavaciła Makrona ŭ «instrumientalizacyi» vajny va Ukrainie dla svaich elektaralnych metaŭ.
«Atrymlivajecca, što vy albo za Makrona, albo vas abvinavačvajuć u tym, što vy prapucinskija», — zajaviła jana.
Pry hetym partyja Lo Pen padčas hałasavańnia ŭ Nacasamblei ŭstrymałasia. Pierad debatami ciapierašni lidar Nacabjadańnia Žarden Bardeła raskazvaŭ, što ŭ cełym jany za padtrymku Ukrainy, ale da peŭnych «čyrvonych linij».
Za padtrymku dvuchbakovaha pahadnieńnia ab supracoŭnictvie pa biaśpiecy Francyi i Ukrainy prahałasavali 372 deputaty nižniaj pałaty francuzskaha parłamienta, suprać vystupili 99. Hałasavańnie nie maje abaviazkovaj siły.
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary
Demahohija. Navat Ukraina pakul nie patrabuje dapamohi ŭ vyhladzie inšaziemnych vajskoŭcaŭ, ale jana nastojvaje na pastaŭkach zbroi, amunicyi i finansavaj padtrymcy dla vykannańnia funkcyj dziaržkiravańnia va ŭmovach nadzvyčajnvj ekanamičnaj situacyi vajennaha času.
U V Respublicy chutka vybary, voś i ŭsio.