U Saudaŭskaj Aravii mieracca pabudavać dvuchkiłamietrovy chmaračos
Architekturnaja kampanija ź Vialikabrytanii pracuje nad prajektam samaha vysokaha ŭ śviecie chmaračosa, jaki budzie ŭdvaja vyšejšy za ciapierašniaha rekardsmiena, paviedamlaje vydańnie Architects' Journal.
Hety prajekt mierkavana budzie kaštavać $2 młrd, i jaho padtrymlivaje publičny inviestycyjny fond Saudaŭskaj Aravii.
Budynak u stalicy krainy Er-Ryjadzie dasiahnie vyšyni 2000 mietraŭ i budzie bolš čym udvaja vyšejšym za «Burdž-Chalifu» (828 m) u Dubai, jaki pabudavali ŭ 2010 hodzie.
U prajekcie hetaha niezvyčajnaha chmaračosa, akramia jaho inicyjataraŭ (brytanskaja kampanija Foster + Partners), udzielničajuć šerah inšych viadomych architekturnych firmaŭ. Budaŭnictva pačniecca na ŭčastku, raźmieščanym niedaloka ad mižnarodnaha aeraporta «Karol Sałman», na poŭnač ad stalicy Saudaŭskaj Aravii.
Darečy, kampanija Foster zajmajecca rekanstrukcyjaj hetaha i jašče troch aeraportaŭ u Saudaŭskaj Aravii. Skieptyki prajekta, adnak, zadajucca pytańniem, jak budzie arhanizavanaja ŭ budynku pažarnaja biaśpieka i što budzie, kali adčynić akno na vyšyni 2 km. Niezrazumieła taksama, jak dla takoha ahramadnaha budynka arhanizavać naležny padmurak.
Cikava pry hetym, što akurat ciapier u toj ža Saudaŭskaj Aravii pablizu horada Džyda budujecca vieža Jeddah Tower, jakaja pavinna stać 1000-mietrovym chmaračosam. Novy prajekt adrazu maje zacianić stary.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary