Rasijskaja prapahanda vyznačyła čatyry masty Niamieččyny dla «ŭdaru ŭ adkaz» za Krymski most
U prahramie «Viestki tydnia» Dźmitryj Kisialoŭ adreahavaŭ na prasłuchoŭvańnie Rasijaj niamieckich aficeraŭ.
Jon pradstaviŭ infahrafiku z čatyrma mastami Niamieččyny, jakija mohuć stać cellu ŭ adkaz, kali Ukraina atakuje Krymski most niamieckimi rakietami Taurus. Prapahandyst pieraličyŭ:
- Fiemarnzundski most
- Ruhienski most
- Most Hahiencalernaŭ u Kiolnie
- Mahdeburhski vodny most
«Jość na što pahladzieć praz rakietny pryceł, — skazaŭ jon. — Škada budzie, ale što rabić? Naš Krymski most im nie škada. Upeŭnieny, paśla apublikavanaha aŭdyjozapisu narady hienierałaŭ bundeśviera z metaj źniščyć naš Krymski most i naš Hienštab praviadzie svaju rekahnascyroŭku nakont anałahičnych metaŭ u adkaz u Niamieččyny.
Vysokadakładny hipierhuk vyrašyć zadaču niaŭchilna. Nu a ź jakoj nahody? Naš pryhažun Krymski most budavała ŭsia kraina, jon staŭ natchnieńniem, transpartnaj arteryjaj i architekturnym šedeŭram. I raptam niejkija niedabityja niemcy siadziać i celacca ŭ jaho».
Jak adznačaje ahladalnik Bild Francyska Rynhlebien, kancler Ołaf Šolc za apošnija dni niekalki razoŭ adkinuŭ mahčymaść pastaŭki Ukrainie rakiet Taurus. Ale heta nie spyniaje Rasiju ad nahniatańnia isteryi vakoł hetaj temy.
«Taki typ prapahandy pakazvaje, što mahčymaje prymianieńnie rakiet Taurus, vidać, turbuje Pucina bolš, čym mierkavałasia», — piša žurnalistka.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary
Brydkaja žabka nia viedaje, što ŭ momant hipierhukavaha palotu rasiejskija rakiety nia zdolnyja manieŭravać - dziela hetaha jany vymušynaja mocna źnišać chutkaść, z-za čaho robiacca davoli ŭraźlivymi navat dla nia samych sučasnych sistem Patriot PA-C2, jakija byli pryniatyja na ŭzbrajeńnie ŭ 1993.